भारत विरुद्ध ऑस्ट्रेलिया यांच्यातील पाच सामन्यांच्या टी20 मालिकेतील शेवटचा सामना ब्रिस्बेनमधील गाबा स्टेडियमवर खेळला जात आहे. ऑस्ट्रेलियाचा कर्णधार मिचेल मार्शने नाणेफेक जिंकून प्रथम गोलंदाजी करण्याचा निर्णय घेतला. ऑस्ट्रेलियाने त्यांच्या प्लेइंग इलेव्हनमध्ये कोणताही बदल केला नाही, तर टीम इंडियाने एक बदल केला, तिलक वर्माच्या जागी रिंकू सिंगला संधी मिळाली आहे.
टीम इंडिया मालिकेत 2-1 ने आघाडीवर आहे. हा अंतिम सामना जिंकून मालिका 3-1 ने संपवण्याचा त्यांचा प्रयत्न असेल. टी-20 मालिकेतील चौथा सामना भारताने एकतर्फी 48 धावांनी जिंकला, ज्यामध्ये अष्टपैलू अक्षर पटेलने फलंदाजी आणि चेंडू दोन्हीने उत्कृष्ट कामगिरी केली. पुढील वर्षी होणाऱ्या टी-20 विश्वचषकापूर्वी टीम इंडियाचा परदेशी भूमीवर हा शेवटचा टी-20 सामना असेल. त्यानंतर, भारतीय संघ घरच्या मैदानावर आणखी दोन टी-20 मालिका खेळेल.
दोन्ही संघांचे प्लेइंग इलेव्हन-
ऑस्ट्रेलिया – मिचेल मार्श (कर्णधार), मॅथ्यू शॉर्ट, जोश इंग्लिस (यष्टीरक्षक), टिम डेव्हिड, जोश फिलिप, मार्कस स्टोइनिस, ग्लेन मॅक्सवेल, बेन द्वारशीस, झेवियर बार्टलेट, नॅथन एलिस, अॅडम झांपा.
भारत – अभिषेक शर्मा, शुबमन गिल, सूर्यकुमार यादव (कर्णधार), रिंकू सिंग, जितेश शर्मा (यष्टीरक्षक), वॉशिंग्टन सुंदर, शिवम दुबे, अक्षर पटेल, अर्शदीप सिंग, वरुण चक्रवर्ती, जसप्रीत बुमराह.
