भारत आणि ऑस्ट्रेलिया यांच्यातील आगामी मोठ्या मालिकेच्या तयारीला सुरुवात झाली असून बीसीसीआयने भारत अ, ऑस्ट्रेलिया अ तसेच अंडर-19 मालिकांचे वेळापत्रक जाहीर केले आहे. या मालिकांमध्ये युवा खेळाडूंना संधी मिळण्याची शक्यता असून सध्या चर्चेत असलेल्या वैभव सूर्यवंशीलाही भारतीय अंडर-19 संघात स्थान मिळू शकते.
बीसीसीआयच्या घोषणेनुसार भारत अ आणि ऑस्ट्रेलिया अ यांच्यात सप्टेंबर ते ऑक्टोबरदरम्यान दोन चार दिवसीय सामने आणि तीन वनडे सामने खेळवले जाणार आहेत. ही मालिका पुडुचेरी येथे होणार आहे. पहिला चार दिवसीय सामना 22 ते 25 सप्टेंबरदरम्यान तर दुसरा सामना 29 सप्टेंबर ते 2 ऑक्टोबरदरम्यान खेळवला जाईल. त्यानंतर 6, 9 आणि 11 ऑक्टोबरला तीन वनडे सामने होतील.
दरम्यान, भारताची अंडर-19 टीमही ऑस्ट्रेलिया अंडर-19 संघाविरुद्ध मालिकेसाठी सज्ज झाली आहे. ही मालिका 18 सप्टेंबर ते 8 ऑक्टोबरदरम्यान राजकोट आणि अहमदाबाद येथे खेळवली जाणार आहे. मालिकेत तीन एकदिवसीय आणि दोन चार दिवसीय सामने असतील.
याच मालिकेत युवा फलंदाज वैभव सूर्यवंशीला संधी मिळण्याची शक्यता व्यक्त केली जात आहे. गेल्या काही महिन्यांत आपल्या आक्रमक फलंदाजीमुळे वैभवने मोठी प्रसिद्धी मिळवली असून आता त्याला आंतरराष्ट्रीय स्तरावर आणखी संधी देण्याची मागणी होत आहे.
विशेष म्हणजे पुढील वर्षी जानेवारीमध्ये होणाऱ्या बॉर्डर-गावसकर ट्रॉफीपूर्वी ही मालिका अत्यंत महत्त्वाची मानली जात आहे. ऑस्ट्रेलिया अ संघ भारतात येऊन येथील वातावरण आणि खेळपट्ट्यांचा अंदाज घेणार आहे. गेल्या दौऱ्यात सॅम कॉन्स्टास, नॅथन मॅकस्वीनी, टॉड मर्फी आणि कूपर कोनोली यांसारख्या युवा खेळाडूंनी दमदार कामगिरी केली होती.
ऑस्ट्रेलिया अ पुरुषांचा भारत दौरा 2026
22 ते 25 सप्टेंबर – पहिला चार दिवसीय सामना, पुडुचेरी
29 सप्टेंबर ते 2 ऑक्टोबर – दुसरा चार दिवसीय सामना, पुडुचेरी
6 ऑक्टोबर – पहिला वनडे सामना, पुडुचेरी
9 ऑक्टोबर – दुसरा वनडे सामना, पुडुचेरी
11 ऑक्टोबर – तिसरा वनडे सामना, पुडुचेरी
ऑस्ट्रेलिया अंडर-19 संघाचा भारत दौरा 2026
18 सप्टेंबर – पहिला वनडे सामना, राजकोट
21 सप्टेंबर – दुसरा वनडे सामना, राजकोट
23 सप्टेंबर – तिसरा वनडे सामना, राजकोट
27 ते 30 सप्टेंबर – पहिला चार दिवसीय सामना, रा
5 ते 8 ऑक्टोबर – दुसरा चार दिवसीय सामना, अहमदाबाद
