जो रूटच्या शतकाच्या मदतीने इंग्लंडने पाच सामन्यांच्या मालिकेतील चौथ्या कसोटीच्या तिसऱ्या दिवशी पहिल्या डावात सात विकेटच्या मोबदल्यात 544 धावा करून सामन्यावरील आपली पकड मजबूत केली. भारताने पहिला डावात 358 धावा केल्या. त्यामुळे इंग्लंडची एकूण आघाडी आता 186 धावांवर आली आहे आणि त्यांच्याकडे तीन विकेट शिल्लक आहेत. सामन्याच्या तिसऱ्या दिवशी, ऑली पोप आणि जो रूट यांनी पहिल्या सत्रात एकही विकेट पडू दिली नाही. दुसऱ्या सत्रात वॉशिंग्टन सुंदरने पोप आणि हॅरी ब्रूक यांना पॅव्हेलियनमध्ये पाठवून भारताला काहीसा दिलासा दिला, परंतु त्यानंतर जो रूट आणि बेन स्टोक्स यांनी मोठी भागीदारी केली आणि भारतीय गोलंदाजांना विकेटसाठी आसुसवले. तिसऱ्या सत्रात, जडेजा, बुमराह आणि सिराज यांनी 1-1 विकेट मिळवल्या पण तोपर्यंत इंग्लंड संघाला मोठी आघाडी मिळाली होती.
भारताचा पहिला डाव 358 धावांपर्यंत मर्यादित होता, ज्यामुळे इंग्लंडची एकूण आघाडी आता 186 धावांवर आली आहे आणि त्यांच्याकडे तीन विकेट शिल्लक आहेत. खेळ थांबला तेव्हा इंग्लंडचा कर्णधार बेन स्टोक्स 77 धावांवर खेळत होता तर लियाम डॉसन 21 धावा करून खेळत होता. या संस्मरणीय खेळीदरम्यान, रूटने ऑली पोप (71) सोबत तिसऱ्या विकेटसाठी 144 धावांची भागीदारी केली आणि बेन स्टोक्स सोबत 142 धावांची भागीदारी केली. स्टोक्स 66 धावांच्या वैयक्तिक धावसंख्येवर रिटायर हर्ट झाला पण क्रिस वोक्स (चार) च्या रूपात सहावा विकेट पडल्यानंतर तो पुन्हा फलंदाजीला आला.
भारतीय गोलंदाजांवर थकव्याचा परिणाम स्पष्टपणे दिसून येत होता. बुमराह (95 धावांत एक विकेट) सुमारे 130 च्या वेगाने गोलंदाजी करत होता तर अंशुल कंबोज देखील प्रभावित करण्यात अपयशी ठरला. मोहम्मद सिराज (113 धावांत एक विकेट) यांनी जोरदार गोलंदाजी केली पण नशिबाने त्याला साथ दिली नाही. खेळपट्टीच्या असमान उसळीमुळे, इंग्लंड मोठी आघाडी निर्माण करून भारतावर दबाव आणण्याचा प्रयत्न करेल कारण चेंडू खाली असल्याने सामन्याच्या चौथ्या आणि पाचव्या दिवशी फलंदाजी करणे अधिक कठीण होईल.
