भारतीय संघाचा स्टार खेळाडू विराट कोहली सध्या मैदानाबाहेर आहे. तसेच त्याने क्रिकेटमधून ब्रेक घेतला असून तो आपल्या कुटुंबासोबत वेळ घालवत आहे. याबरोबरच विराट कोहलीला इंग्लंडसोबत खेळल्या जाणाऱ्या 5 सामन्यांच्या कसोटी मालिकेतून बाहेर आहे. पण, तो इंडियन प्रीमियर लीग 2024 मध्ये मैदानात परतेल, असे मानले जात आहे.
याबरोबरच विराट कोहलीने त्याच्या इन्स्टाग्राम पोस्टद्वारे आपल्या मुलाचे नावही सांगितले होते. विराट आणि अनुष्काने त्यांच्या मुलाचे नाव अकाय ठेवले आहे. तसेच विराटच्या मुलाचे नाव समोर येताच सोशल मीडियावर अकाय नावाच्या अकाऊंट आणि पोस्टचा पाऊस सुरू झाला होता. तसेच आता चाहत्यांनी विराट कोहलीचा मुलगा अकायच्या पुनरागमनापूर्वी पदार्पण करण्याची मागणी केली आहे.
अशातच भारतीय संघ इंग्लंडसोबत 5 सामन्यांची कसोटी मालिका खेळत आहे. तर आत्तापर्यत या मालिकेतील चार सामने खेळले गेले आहेत. यापैकी भारतीय संघाने 3 सामने जिंकून मालिकेत विजयी आघाडी घेतली आहे. तसेच मालिकेतील चौथा सामना रांचीमध्ये खेळला जात असताना काही चाहत्यांनी अकायच्या पदार्पणाची मागणी करणारे बॅनर हातात धरले होते. एका चाहत्याचा फोटो कॅमेऱ्यात कैद झाला, त्यानंतर हे फोटो सोशल मीडियावर वेगाने व्हायरल होत आहेत.
खरंतर, विराट कोहली सध्या क्रिकेटच्या मैदानापासून दूर आहे आणि भारतीय संघ इंग्लंडसोबत कसोटी मालिका खेळत आहे. विराट कोहली कसोटी मालिकेतून बाहेर पडण्याची ही पहिलीच वेळ आहे. यापूर्वी विराट कोहली कोणत्याही मालिकेतील एक-दोन सामन्यांपासून बाहेर असायचा, मात्र यावेळी विराट कोहली संपूर्ण मालिकेतून बाहेर असलेला पहायला मिळाला आहे.
https://www.instagram.com/p/C32Q8N3LjGt/?utm_source=ig_web_copy_link&igsh=MzRlODBiNWFlZA==
दरम्यान, विराट कोहली आणि अनुष्का शर्मा यांना एक मुलगा झाला असून15 फेब्रुवारीला अनुष्का शर्माने मुलाला जन्म दिला आहे. अनुष्का आणि विराट कोहली या दोघांनीही पोस्ट शेअर करून ही आनंदाची बातमी चाहत्यांना दिली आहे. तसेच आता तो 22 मार्चपासून सुरू होणाऱ्या इंडियन प्रीमियर लीग 2024 सह मैदानात परत येतो की नाही हे पाहणे उत्सुकतेचे असणार आहे.
महत्वाच्या बातम्या –
- IND Vs ENG : केएल राहुल पाचवा कसोटी सामना सोडून गेला इंग्लंडला; घ्या जाणून काय आहे प्रकरण
- WPL 2024 : अबब..! सोशल मीडियावर उडाली एकच खळबळ, श्रेयस अय्यरने सुरू केले अंपायरिंग…
