हे कोरोना! टीम इंडियाच्या बहुप्रतिक्षित मालिका आयोजनात करावे लागले बदल; वाचा सविस्तर

भारत आणि वेस्ट इंडीज (ind vs wi odi and & t20i series) यांच्यात पुढच्या महिन्यात तीन सामन्यांच्या टी२० आणि एकदिवसीय मालिका खेळल्या जाणार आहेत. या मालिका भारतात खेळल्या जातील. आता या मालिकांचे वेळापत्रक बदलले गेले आहे. कोरोनाच्या वाढत्या प्रादुर्भावाला लक्षात घेता आता या दोन मालिका दोन वेगवेगळ्या स्टेडियमवर खेळल्या जाणार आहे. यापूर्वी मालिकेतील सहा सामने सहा वेगवेगळ्या स्टेडियमवर खेळले जाणार होते. बीसीसीआयने २२ जानेवारीला याविषयी माहिती जाहीर केली.

वेस्ट इंडीजचा संघ सध्या इंग्लंडसोबत टी-२० मालिका खेळत आहे. यानंतर जानेवारीच्या शेवटच्या आठवड्यात संघ भारतात दाखल होईल. दौऱ्याची सुरुवात अहमदाबादच्या नरेंद्र मोदी स्टेडियमध्ये एकदिवसीय सामन्यांनी होईल. एकदिवसीय मालिकेतील पुढचे दोन सामनेही याच स्टेडियमवर खेळले जातील. त्यानंतर १६ फेब्रुवारीपासून कोलकाताच्या ईडन गार्डन्स स्टेडियममध्येे टी२० मालिकेची सुरुवात होईली. टी२० मालिकेतील तिन्ही सामने याच स्टेडियमवर होतील.

असे आहे सुधारित वेळापत्रक 

सामन्यांचे स्थळ बदलले असले तरी, तारखांमध्ये मात्र जास्त बदल झाले नाहीत. आधी ठरलेला १२ फेब्रुवारीचा एकदिवसीय सामना आता ११ फेब्रुवारीला खेळला जाणार आहेत. १२ आणि १३ फेब्रुवारीला आयपीएल २०२२ चा मेगा लिलाव आयोजित केला गेला आहे, त्यामुळे बीसीसीआयने हा बदल केला. सुधारित वेळापत्रकानुसार एकदिवसीय मालिका ६, ९ आणि ११ फेब्रुवारीला अहमदाबादमध्ये खेळली जाईल. त्यानंतर कोलकातामध्ये १६, १८ आणि २० फेब्रुवारीला टी२० मालिकेतील सामने खेळले जातील.

NEWS 🚨 : BCCI announces revised venues for home series against West Indies.

The three ODIs will now be played at the Narendra Modi Stadium, Ahmedabad and three T20Is will be held at the Eden Gardens, Kolkata.

More details here – https://t.co/vH9SOhtpIS #INDvWI pic.twitter.com/KNEZ8swbVa

— BCCI (@BCCI) January 22, 2022

दरम्यान, भारतीय संघ सध्या दक्षिण अफ्रिका दौऱ्यावर आहे. दक्षिण अफ्रिका दौऱ्यात भारताचे प्रदर्शन खूपच निराशाजनक राहिले आहे. दक्षिण अफ्रिकेविरुद्धची तीन सामन्यांची कसोटी मालिका भारतीय संघाने गमावली आहे. कसोटी मालिकेतील पहिल्या सामन्यात भारताने विजय मिळवला होता, पण पुढच्या दोन्ही कसोटी सामन्यात अफ्रिकेने भारताला धूळ चारली. त्यानंतर उभय संघातील वनडे मालिकेत देखील भारत पराभूत झाला आहे. वनडे मालिकेतील पहिले दोन्ही सामने दक्षिण अफ्रिकेने जिंकले आहेत आणि मालिका नावावर केली आहे. मालिकेतील तिसरा सामना २३ जानेवारीला खेळला जाईल.

महत्वाच्या बातम्या –

लिलावात सहभागी होण्यापूर्वीच चेन्नईला मोठा धक्का; ज्याच्यावर होती नजर, त्याचीच लिलावातून माघार

आयपीएल पुनरागमनासाठी श्रीसंत इच्छुक! ‘इतक्या’ बेस प्राईससह नोंदविले नाव

‘कॅप्टन’ केएल राहुलने सांगितली द. आफ्रिकेविरुद्ध वनडे मालिका गमावण्याची कारणे, म्हणाला, ‘आम्ही असा संघ…’ 

व्हिडिओ पाहा –