भारत आणि झिम्बाब्वे यांच्यात पाच सामन्यांची टी20 मालिका खेळवली जात आहे. वॉशिंग्टन सुंदर या मालिकेत खेळत आहे. हरारे येथे झालेल्या सामन्यांमध्ये त्याने आतापर्यंत चांगली कामगिरी केली आहे. सुंदरने तीन सामन्यांत 6 विकेट घेतल्या आहेत. विशेष म्हणजे तो गोलंदाजीसोबत फलंदाजीतही निष्णात आहे. टीम इंडियामध्ये अष्टपैलू खेळाडू म्हणून सुंदर रवींद्र जडेजाची जागा घेऊ शकतो.
वास्तविक, जडेजाच्या टी20 इंटरनॅशनलमधून निवृत्तीनंतर टीम इंडियातील त्याची जागा रिक्त आहे. भारतीय संघ परिपूर्ण अष्टपैलू खेळाडूच्या शोधात आहे. सुंदर आपला शोध पूर्ण करू शकतो. याच कारणामुळे त्याला झिम्बाब्वेविरुद्धच्या मालिकेत संधी देण्यात आली होती. सुंदरने आतापर्यंत या मालिकेतील सर्व सामने खेळले आहेत. कदाचित तो उर्वरित दोन सामनेही खेळेल.
झिम्बाब्वेविरुद्ध चांगली कामगिरी –
झिम्बाब्वेच्या हरारे येथे खेळल्या गेलेल्या टी20 मालिकेतील पहिल्या सामन्यात सुंदरने 11 धावांत 2 बळी घेतले. यासह त्याने 27 धावाही केल्या. सुंदरने दुसऱ्या सामन्यात 1 तर तिसऱ्या सामन्यात 3 बळी घेतले. मात्र, या दोन्ही सामन्यात त्याला फलंदाजीची संधी मिळाली नाही. सुंदर हा उजव्या हाताचा ऑफब्रेक गोलंदाज आहे आणि अनेक वेळा तो फलंदाजांसाठी अडचणीचा ठरला आहे.
सुंदरची आतापर्यंतची कारकीर्द कशी आहे –
सुंदरच्या कारकिर्दीवर नजर टाकली तर तो टीम इंडियासाठी तिन्ही फॉरमॅटमध्ये खेळला आहे. त्याने 4 कसोटी सामन्यात 6 विकेट घेतल्या आहेत. यासोबतच 265 धावाही केल्या आहेत. सुंदरने 19 एकदिवसीय सामन्यांमध्ये 18 विकेट घेतल्या आहेत. या कालावधीत 265 धावा केल्या आहेत. त्याने आतापर्यंत 46 टी-20 आंतरराष्ट्रीय सामने खेळले आहेत. यामध्ये 40 विकेट घेतल्या आहेत. 15 धावांत 3 बळी घेणे ही सुंदरची टी-20 सामन्यातील सर्वोत्तम कामगिरी आहे.
महत्तवाच्या बातम्या-
मुख्य प्रशिक्षक झाल्यानंतर गौतम गंभीर अँक्शन मोड मध्ये, बीसीसीआयसमोर ठेवली ही मोठी मागणी
चॅम्पियन्स ट्रॉफी 2025; भारतीय संघाचा पाकिस्तानमध्ये जाण्यास नकार, बीसीसीआयने आयसीसीकडे दिला विशेष प्रस्ताव
“अन्यथा मला हे बोनस…”, केवळ द्रविडच नाही तर रोहितनेही दाखवले मनाचा मोठेपणा
