भारत आणि बांग्लादेश यांच्यात दोन कसोटी सामन्यांची मालिका होणार आहे. या मालिकेतील पहिली कसोटी 19 सप्टेंबरपासून चेन्नईत खेळवली जाणार आहे. जागतिक कसोटी चॅम्पियनशिप पॉइंट टेबलच्या दृष्टीने भारत-बांग्लादेश मालिका खूप महत्त्वाची आहे. बांग्लादेशविरुद्धची मालिका जिंकून भारतीय संघाला जागतिक कसोटी चॅम्पियनशिप गुणतालिकेत आपले स्थान मजबूत करायचे आहे. अलीकडेच बांग्लादेशने पाकिस्तानचा 2-0 असा पराभव करून इतिहास रचला. त्यामुळे बांग्लादेशला हरवणे टीम इंडियासाठी सोपे आव्हान असणार नाही. आज या बातमीद्वारे आपण अश्या 3 भारतीय गोलंदाजांवर एक नजर टाकू जे बांग्लादेशविरुद्ध गेम चेंजर्स ठरू शकतात.
जसप्रीत बुमराह
भारतीय वेगवान गोलंदाज जसप्रीत बुमराहने तिन्ही फॉरमॅटमध्ये आपली छाप सोडली आहे. जसप्रीत बुमराह विरोधी फलंदाजांसाठी कठीण आव्हान ठरत आहे. वास्तविक, जसप्रीत बुमराहची विविधता आणि अचूक गोलंदाजी समजून घेण्यात मोठे गोलंदाज अपयशी ठरले आहेत. जसप्रीत बुमराह बांग्लादेशी फलंदाजांसाठी आव्हानात्मक ठरेल यात शंका नाही. मात्र, बांग्लादेशचे फलंदाज जसप्रीत बुमराहचा कसा सामना करतात हे पाहणे उत्सुकतेचे ठरेल.
कुलदीप यादव
कुलदीप यादवची फिरकी भारतीय खेळपट्ट्यांवर विरोधी फलंदाजांना अडचणीत आणत राहिली. अलीकडेच कुलदीप यादवने इंग्लंडविरुद्धच्या कसोटी मालिकेत उत्कृष्ट गोलंदाजी दाखवली होती. कुलदीप यादवसमोर इंग्लिश फलंदाज पूर्णपणे असहाय दिसत होते. त्याच वेळी आता कुलदीप यादव बांग्लादेशविरुद्ध त्याच्या चेंडूने आग ओकण्यसाठी सज्ज झाला आहे.
रवी अश्विन
भारतीय ऑफस्पिनर रवी अश्विनची गणना सध्याच्या काळातील सर्वोत्तम गोलंदाजांमध्ये केली जाते. रवी अश्विनची गणना कसोटी इतिहासातील सर्वात यशस्वी गोलंदाजांमध्ये केली जाते. सध्या कसोटी फॉरमॅटमध्ये सर्वाधिक विकेट्स घेणाऱ्या गोलंदाजांच्या यादीत रवी अश्विन 9व्या स्थानावर आहे. आत्तापर्यंत रवी अश्विनच्या नावावर 516 विकेट्स आहेत.
हेही वाचा-
बालपणी सोसली गरिबीची झळ, आता गलेलठ्ठ संपत्तीचे मालक आहेत हे भारतीय क्रिकेटर
इशानला शतकी खेळीचं बक्षिस मिळणार! मुंबई इंडियन्स आयपीएल 2025 साठी करू शकते रिटेन
“भारताकडून शिका”, पाकिस्तानच्या हिंदू क्रिकेटरचे आपल्याच टीमला खडे बोल
