आयपीएलचा तेरावा हंगाम १९ सप्टेंबर ते १० नोव्हेंबर २०२० दरम्यान संयुक्त अरब अमिराती अर्थात युएईमध्ये होणार आहे. पहिल्यांदाच आयपीएल वर्षाच्या अखेरीस होत आहे. आयपीएल म्हटलं की विक्रमांच्या चर्चा तर होणारच. अशाच एका विक्रमाबद्दल.
कोणताही सामना जिंकण्यासाठी उत्तम फलंदाज, गोलंदाज, क्षेत्ररक्षक आणि यष्टीरक्षक यांची आवश्यकता असते. परंतु, आयपीएलमध्ये तोच संघ सर्वात चांगले प्रदर्शन करतो, ज्याच्याकडे चांगला डेथ ओव्हर स्पेशलिस्ट गोलंदाज (शेवटच्या काही षटकात उत्तम गोलंदाजी) उपलब्ध असतो.
या लेखात आयपीएलमधील सर्व ८ संघातील प्रमुख डेथ ओव्हर स्पेशलिस्ट गोलंदाजांचा आढावा घेण्यात आला आहे. (IPL 2020 Leading Death Over Specialist From Every Team)
क्रिस मॉरिस (रॉयल चॅलेंजर्स बेंगलोर)
क्रिस मॉरिस हा एक दमदार अष्टपैलू क्रिकेटपटू आहे. त्याने दिल्ली कॅपिटल्स संघाकडून खेळताना शानदार प्रदर्शन केले आहे. मॉरिसची विशेषता ही आहे की, तो क्रिकेटच्या तिन्ही विभागात चांगले प्रदर्शन करण्याची क्षमता बाळगतो. अर्थात तो उत्तम फलंदाजी आणि गोलंदाजीसह क्षेत्ररक्षणातही माहीर आहे.
जर, मॉरिसने त्याच्यातील क्षमतेनुसार या हंगामात प्रदर्शन केले. तर तो नक्कीच रॉयल चॅलेंजर्स बेंगलोर संघाला आयपीएल ट्रॉफी जिंकून देऊ शकतो. तो आयपीएल २०२० मध्ये आरसीबी संघाचा प्रमुख डेथ ओव्हर गोलंदाज असेल.
भुवनेश्वर कुमार (सनराइजर्स हैद्राबाद)
भुवनेश्वर कुमार हा एक उत्तम डेथ ओव्हर गोलंदाज आहे. कारण, त्याच्याकडे शेवटच्या काही षटकात यॉर्कर, हळूवार गोलंदाजी, नकल गोलंदाजी करणे असे पर्याय उपलब्ध आहेत. तो भारतीय संघातील सक्रिय वेगवान गोलंदाजांपैकी एक आहे. भुवनेश्वरने आयपीएल २०१६ आणि १७मध्ये पर्पल कॅप जिंकली आहे. त्याने आयपीएलमध्ये ११७ सामन्यांत ७.२५च्या इकोनॉमी रेटने १३३ विकेट्स घेतल्या आहेत.
