दिल्ली कॅपिटल्सने रिलीझ केलेल्या गोलंदाजाची ‘डबल लॉटरी’, धोनीच्या सीएसकेत मिळाली जागा?

आयपीएलच्या १४ व्या हंगामातील उर्वरित सामने १९ सप्टेंबरपासून यूएईमध्ये खेळले जाणार आहेत. भारतात आयोजित केलेला हा आयपीएलचा १४ वा हंगाम संघातील काही खेळाडूंना कोरोनाचे संक्रमण झाल्यामुळे अर्ध्यातच स्थगित करावा लागला होता. त्यानंतर आता या हंगामातील उर्वरित सामने यूएईत खेळवले जाणार आहेत. यासाठी संघ यूएईला रवाना होऊ लागले आहेत.

महेंद्रसिंग धोनीचा चेन्नई सुपर किंग्सचा संघ सर्वप्रथम यूएईत दाखल झाला आहे. अशातच आता चेन्नईच्या संघ व्यवस्थापनाने आयपीएल २०२१ मध्ये त्यांच्या संघाला आणखीन मजबूत करण्यासाठी युवा वेगवान गोलंदाज तुषार देशपांडेला संघात राखीव गोलंदाजाच्या रूपात सामील केले असल्याची चर्चा आहे.

Tushar Deshpande is one of the reserve player/net bowler for Chennai Super Kings in the IPL 2021 at UAE.

— Johns. (@CricCrazyJohns) August 14, 2021

याआधी तुषार यूएईतच झालेल्या आयपीएलच्या १३ व्या हंगामामध्ये खेळलेला आहे. तो त्यावेळी श्रेयस अय्यरच्या नेतृत्वाखालील दिल्ली कॅपिटल्स संघासाठी खेळत होता. त्याने दिल्लीच्या संघासाठी १३ व्या हंगामात ५ सामने खेळले होते. खेळलेल्या सामन्यांमध्ये त्याला केवळ ३ विकेट मिळवता आल्या होत्या. त्यावेळी तुषारची इकोनॉमी ११.२५ होती.