धोनीकडून घडली मोठी चूक अन् जडेजा- गायकवाडने लावला डोक्याला हात; व्हिडिओ पाहाच

क्रिकेट म्हटलं की, त्यात खेळाडूंकडून चुका होणारंच. कितीही अनुभवी खेळाडू असला, तरीही त्याच्याकडून चुका होतच असतात. यातील काही चुका अशा असतात, ज्यामुळे समोरच्या खेळाडूला जीवदान मिळते. तसेच तो खेळाडू पुढे संघाच्या चिंतेत वाढ करण्यासाठी कारणीभूत ठरतो. असेच काहीसे शुक्रवारी (१५ ऑक्टोबर) आयपीएल २०२१ मधील अंतिम सामन्यादरम्यान पाहायला मिळाले. या सामन्यात चेन्नई सुपर किंग्स विरुद्ध कोलकाता नाईट रायडर्स आमने- सामने होते. यावेळी एमएस धोनीकडून मोठी चूक झाली, जी पुढे संघाला महागात पडली.

नाणेफेक जिंकून केकेआर संघाचा कर्णधार ऑयन मॉर्गनने गोलंदाजीचा निर्णय घेत सीएसकेला फलंदाजीसाठी आमंत्रित केले होते. यावेळी प्रथम फलंदाजी करताना सीएसकेने निर्धारित २० षटकात ३ विकेट्स गमावत १९२ धावा करत केकेआरला १९३ धावांचे आव्हान दिले होते. (IPL 2021 Final Match Between CSKvsKKR MS Dhoni Dropped Venkatesh Iyer Catch See Video)

https://twitter.com/SRKxABD_/status/1449045376053362688?ref_src=twsrc%5Etfw%7Ctwcamp%5Etweetembed%7Ctwterm%5E1449045376053362688%7Ctwgr%5E%7Ctwcon%5Es1_&ref_url=https%3A%2F%2Fhindi.cricketnmore.com%2Fcricket-news%2Fipl-2021-final-csk-vs-kkr-ms-dhoni-dropped-venkatesh-iye-catch-watch-video-85924

या आव्हानाचा पाठलाग करताना केकेआरकडून शुबमन गिल आणि व्यंकटेश अय्यर सलामीला फलंदाजीसाठी आले होते. यावेळी सामन्यातील दुसरे षटक सीएसकेचा वेगवान गोलंदाज जोश हेजलवूड हे टाकत होता. हेजलवूडच्या तिसऱ्या चेंडूवर वेंकटेशने जोरात फटका खेळण्याच्या प्रयत्नात त्याच्याकडून चूक झाली आणि चेंडू बॅटची कड घेऊन मागे उभा असलेल्या एमएस धोनीकडे गेला. धोनीकडे चेंडू झेलण्याची चांगली संधी होती. मात्र, धोनीने सोपा झेलही सोडला. यानंतर संघसहकारी रवींद्र जडेजा आणि ऋतुराज गायकवाड यांनी डोक्याला हात लावला होता. यादरम्यानचा व्हिडिओ सोशल मीडियावर जोरदार व्हायरल होत आहे.

How in a world #MSDhoni dropped that catch!
Rare scene!
Come on #CSK    ????????????????????#KKRvCSK #KKRvsCSK #CSKvKKR #CSKvsKKR #IPLFinal     #IPL2021 pic.twitter.com/fOEOzDpEsA

— BlueCap ???????? (@IndianzCricket) October 15, 2021