‘असे’ आहे आयपीएल २०२२च्या प्लेऑफचे समीकरण, जाणून घ्या कोणत्या चार संघांना मिळू शकते स्थान

राजस्थान रॉयल्स आणि रॉयल चॅलेंजर्स बेंगलोर (Rajasthan Royals And Royal Challengers Bangaloe) या दोन्ही संघांकडे सध्या प्रत्येकी १२ गुण आहेत आणि गुणतालिकत ते अनुक्रमे तिसऱ्या आणि चौथ्या क्रमांकावर आहेत. आरसीबीने त्यांचे राहिलेले तिन्ही सामने जिंकले, तर त्यांना प्लेऑफमध्ये स्थान मिळू शकते. तसेच, राजस्थानला देखील त्यांचे राहिलेल्या चार पैकी तीन सामने जिंकणे आवश्यक असणार आहे. जर दोन्ही संघांनी राहिलेल्या सामन्यांपैकी तीन सामने जिंकले, तर त्यांच्याकडे प्रत्येकी १८ गुण होतील आणि प्लेऑफमध्ये त्यांचे स्थान पक्के होईल.

गुणतालिकेत पहिल्या चार संघांनंतर दिल्ली कॅपिटल्स, सनरायझर्स हैदराबाद आणि पंजाब किंग्ज अनुक्रमे ५, ६ आणि ७व्या क्रमांकावर आहेत. आठव्या क्रमांकावरील कोलताना नाईट रायडर्सकडे ८ गुण आहेत आणि त्यांच्याकडे देखील प्लेऑफमध्ये जागा बनवण्याची संधी आहे. या चारही संघांनी प्रत्येकी १० सामने खेळले आहेत. अशात यांच्यातील जो संघ राहिलेले सर्वच्या सर्व सामने जिंकू शकेल, तो प्लेऑपफमध्ये देखील जागा पक्की करू शकतो. असे असले, तरीही केकेआरला मात्र थोडा संघर्ष करावा लागेल, यात वाद नाही.