अनुभवी असूनही ब्रावोने २ वेळा क्रिज बाहेर फेकला चेंडू, मग अंपायरनेही दिला जशास तसा निर्णय

आयपीएलच्या मैदानात चेन्नई सुपर किंग्जचा सामना पंजाब किंग्जसोबत झाला. पंजाबसाठी शिखर धवन आणि भानुका राजपक्षाने अप्रतिम प्रदर्शन केले. तर दुसरीकडे सीएसकेचा अनुभवी अष्टपैलू ड्वेन ब्रावोने दोन चेंडू खेळपट्टीच्या बाहेर टाकले. पंचांनी या दोन्ही चेंडूंवर थेट नो बॉल करार दिला.

आयपीएल २०२२ (IPL 2022) हंगामात ही पहिलीच वेळ होती, जेव्हा एखाद्या गोलंदाजाने खेळपट्टीच्या बाहेर चेंडू फेकला आहे. ब्रावोने पंजाब किंग्जविरुद्धच्या सामन्यात ही चूक एकदा नाही, तर दोन वेळा केली. ड्वेन ब्रावो (Dwayne Bravo) याने खेळपट्टीबाहेर टाकलेले हे दोन्ही चेंडू शिखर धवन स्ट्राइकवर असताना टाकले. या दोन्ही नो बॉलमुळे धवनला धावा करण्यासाठी मदत मिळाली.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

शिखर धवन (Shikhar Dhawan) स्ट्राइकवर असताना डावाच्या १६ व्या षटकात ब्रावोने पहिल्यांदा ही चूक केली. शिखर धवन ऑफ स्टंपच्या बाहेर निघून फलंदाजी करू इच्छित होता. धवनला आधीच चाहूल लागली होती की, ब्रावो ऑफ स्टंपच्या बाहेर गोलंदाजी करण्याची शक्यता आहे. ब्रोवने देखील तसेच केले, पण चेंडू थेट खेळपट्टीच्या बाहेर पडला आणि पंचांनी त्याला नो बॉल करार दिला. त्यानंतर पुढचा चेंडूवर फ्री हिट मिळाली. या फ्री हिटच्या चेंडूर धवनने चौकार ठोकला आणि ब्रावोला अडचणीत टाकले.