IPL 2025 Updated Points Table- आयपीएल 2025च्या 65व्या (RCB vs SRH) सामन्यात पॅट कमिन्सच्या नेतृत्वाखालील सनरायझर्स हैदराबादने रॉयल चॅलेंजर्स बंगळुरूचा 42 धावांनी पराभव केला. (SRH Beat RCB By 42 Runs) या पराभवामुळे आरसीबीला मोठे नुकसान सहन करावे लागले आहे. संघ टॉप-2 मधून बाहेर पडला आहे. दुसरीकडे, पंजाब किंग्जला काहीही न करता फायदा मिळाला आहे. (PBKS ON TOP 2 IN Points Table) आता श्रेयस अय्यरचा संघ गुजरात टायटन्ससोबत टॉप-2 मध्ये आहे.
आज म्हणजे शनिवार, 24 मे रोजी पंजाबचा सामना दिल्ली कॅपिटल्स विरुद्ध आहे. (PBKS vs DC) जर श्रेयस अय्यरचा संघ हा सामना जिंकण्यात यशस्वी झाला तर ते पॉइंट्स टेबलमध्ये अव्वल स्थानही मिळवू शकतात. आरसीबी विरुद्ध एसआरएच सामन्यानंतर पॉइंट्स टेबलमधील बदलांवर एक नजर टाकूया. (IPL 2025 Point Table)
सनरायझर्स हैदराबादकडून पराभव झाल्यानंतर, रॉयल चॅलेंजर्स बंगळुरू 13 सामन्यांमध्ये 17 गुणांसह तिसऱ्या स्थानावर घसरला आहे. आरसीबी आणि पीबीकेएसचे समान गुण आहेत, परंतु हैदराबादविरुद्धच्या पराभवामुळे बंगळुरूच्या नेट रन रेटवर परिणाम झाला आहे. आरसीबीचा नेट रन रेट आता +0.255 आहे. पंजाब किंग्ज +0.389 च्या नेट रन रेटसह दुसऱ्या स्थानावर पोहोचला आहे.
18th Defeat for RCB While Chasing 200s
— ???????????????????????? (@Shebas_10dulkar) May 23, 2025
(2nd Most by any Team ~ After DC)#RCBvsSRH pic.twitter.com/FNHdW2bPev
गुजरात टायटन्स (GT) अजूनही टेबल टॉपर आहे. संघ 13 सामन्यांमध्ये 18 गुणांसह पहिल्या क्रमांकावर आहे, परंतु आज पंजाब किंग्ज दिल्ली कॅपिटल्सला हरवून त्यांच्याकडून हा मुकुट हिसकावून घेऊ शकतो.
मुंबई इंडियन्स (MI) पॉइंट्स टेबलमध्ये चौथ्या स्थानावर आहे, एमआयचे 13 सामन्यांमध्ये 16 गुण आहेत. मुंबईचा लीग स्टेजमधील शेवटचा सामना 26 मे रोजी पंजाबविरुद्ध आहे.
