रॉयल चॅलेंजर्स बेंगळुरूचा संघ सध्या आयपीएलचा चॅम्पियन आहे. अशा परिस्थितीत, ते आयपीएल 2026 मध्ये आपल्या जेतेपदाचा बचाव करण्यासाठी (Title Defend) मैदानात उतरतील. आरसीबीचा संघ सध्या खूपच मजबूत दिसत असून त्यांच्याकडे सलग दुसऱ्यांदा विजेतेपद मिळवण्याची मोठी संधी आहे. विराट कोहलीच्या या संघात अनेक मॅच विनर खेळाडू दिसत असून संघाचे संतुलनही उत्तम आहे. यामुळेच त्यांच्याकडे चेन्नई सुपर किंग्स आणि मुंबई इंडियन्सच्या विक्रमाची बरोबरी करण्याची संधी आहे.
आतापर्यंत आयपीएलच्या इतिहासात केवळ दोनच संघांनी सलग दोन वेळा ट्रॉफी जिंकली आहे. चेन्नई सुपर किंग्सने 2010 आणि 2011 मध्ये सलग दोनदा जेतेपद पटकावले होते, तर मुंबई इंडियन्सने 2019 आणि 2020 मध्ये सलग दोन वर्षे ट्रॉफी आपल्या नावावर केली होती. आता रॉयल चॅलेंजर्स बेंगळुरूचा संघ देखील अशीच मोठी कामगिरी करू शकतो, कारण या संघात मॅच विनर खेळाडूंची कमतरता नाही.
कर्णधार रजत पाटीदार व्यतिरिक्त या संघात जितेश शर्मा, फिल सॉल्ट, टिम डेव्हिड आणि रोमारियो शेफर्ड यांसारखे गेल्या हंगामातील नायक अजूनही संघात आहेत. तसेच, या हंगामात जॅकब बेथेल अधिक सामने खेळताना दिसू शकतो. याशिवाय, व्यंकटेश अय्यर, जॅकब डफी आणि मंगेश यादव यांसारख्या शानदार खेळाडूंचीही आता संघात भर पडली आहे.
आरसीबीचा पूर्ण संघ:
रजत पाटीदार (कर्णधार), विराट कोहली, देवदत्त पडिक्कल, फिल सॉल्ट, जितेश शर्मा, कृणाल पंड्या, स्वप्नील सिंह, टिम डेव्हिड, रोमारियो शेफर्ड, जॅकब बेथेल, जोश हेझलवूड, यश दयाल, भुवनेश्वर कुमार, नुवान तुषारा, रसिख सलाम, अभिनंदन सिंह, सुयश शर्मा, व्यंकटेश अय्यर, मंगेश यादव, जॅकब डफी, सात्विक देसवाल, जॉर्डन कॉक्स, विहान मल्होत्रा, कनिष्क चौहान आणि विक्की ओस्तवाल.
