IPL 2025: आयपीएलच्या 18व्या आवृत्तीचा 34वा सामना शुक्रवारी खेळवण्यात आला, ज्यामध्ये पंजाब किंग्जने रॉयल चॅलेंजर्स बंगळुरूचा 5 गडी राखून पराभव केला. पावसामुळे प्रभावित झालेला हा सामना 14-14 षटकांचा होता. या सामन्यात पंजाबचा यष्टीरक्षक जोश इंगलिसने फिल साॅल्टचा एक शानदार झेल घेतला, ज्याचा व्हिडिओ व्हायरल झाला.
नाणेफेक जिंकल्यानंतर श्रेयस अय्यरने प्रथम गोलंदाजी करण्याचा निर्णय घेतला. आरसीबीला पहिल्याच षटकात सुरुवातीचा धक्का बसला कारण फिल साॅल्ट (4) अर्शदीप सिंगने झेलबाद केला. या विकेटसाठी यष्टीरक्षक अर्शदीपने जितके योगदान दिले तितकेच जोश इंग्लिसनेही दिले, ज्याने साडेपाच सेकंदात 26 मीटर अंतर कापले आणि हा अद्भुत झेल घेतला.
पाहा व्हिडिओ-
That’s how you make a statement! ????#ArshdeepSingh takes out Phil Salt in 1st over and becomes the leading wicket taker for Punjab.
— Star Sports (@StarSportsIndia) April 18, 2025
Watch the LIVE action ➡ https://t.co/gReY95mYvW #IPLonJioStar ???? #RCBvPBKS | LIVE NOW on Star Sports 1, Star Sports 1 Hindi, Star Sports 3 &… pic.twitter.com/bXluYMnbUV
प्रथम फलंदाजी करताना रॉयल चॅलेंजर्स बंगळुरूने 42 धावांत 7 विकेट गमावल्या, त्यानंतर असे वाटले की संघ केवळ 60 धावांपर्यंत पोहोचेल. तथापि, टिम डेव्हिडने 26 चेंडूत 3 षटकार आणि 5 चौकारांच्या मदतीने नाबाद 50 धावा करत आरसीबीचा मान वाचवला. अर्थात आरसीबी हरला पण टिम डेव्हिडला सामन्याचा सर्वोत्तम खेळाडू म्हणून निवडण्यात आले. प्रथम फलंदाजी करताना रॉयल चॅलेंजर्स बंगळुरूने 14 षटकांत 95 धावा केल्या.
लक्ष्याचा पाठलाग करताना पंजाब किंग्जने 53 धावांत 4 विकेट गमावल्या, शेवटच्या षटकांपर्यंत सामना स्पर्धात्मक दिसत होता पण नेहल वढेराने शानदार खेळी करत पंजाबचा विजय निश्चित केला. नेहलने 19 चेंडूंत 3 षटकार आणि तितक्याच चौकारांसह नाबाद 33 धावा केल्या. पंजाब किंग्जने 11 चेंडू शिल्लक असताना लक्ष्य गाठून आणखी एक शानदार विजय नोंदवला.
