पुणे (7 मार्च 2024) – के. एम. पी. युवा कबड्डी सिरीज मध्ये आजची तिसरी लढत मुंबई शहर विरुद्ध धुळे या संघात झाली. दोन्ही संघाकडून सावध सुरुवात केली. धुळे च्या अक्षय पाटील ने बोनस गुण व टच गुण मिळवत चांगली सुरुवात करून दिली होती. मुंबई शहर कडून अनिकेत मस्तके ने चढाईत गुण मिळवले. पहिल्या 9 मिनिटाला सामना 7-7 असा बरोबरीत सुरू होता. मध्यंतरापूर्वी मुंबई शहर ने धुळे संघाला ऑल आऊट करत 18-14 अशी आघाडी मिळवली होती.
अनिकेत मस्तके व जतिन विंदेच्या जोडीने मुंबई शहर ला पहिल्या हाफ मध्ये तारला. धुळे कडून अक्षय पाटील एकाकी झुंज देत होता. पहिल्या हाफ मध्ये अक्षय ने 7 बोनस गुणांसह सुपर टेन पूर्ण केला. दुसऱ्या हाफ मध्ये मुंबई शहरच्या जतिन विंदे ने चतुरस्त्र चढाया करत गुण मिळवले. तर रुपेश साळुंखे ने जबरदस्त पकडी करत संघाला आघाडी मिळवून दिली होती.
धुळेच्या अक्षय पाटील ने संपूर्ण सामन्यात एकाकी झुंज दिली मात्र तो आपल्या संघाला विजय मिळवून देण्यात अपयशी ठरला. मुंबई शहर ने 45-26 असा विजय मिळवला. मुंबई शहर कडून जतिन विंदे ने 10 गुणांसह सुपर टेन पूर्ण केला. तर अनिकेत मस्तके व प्रणित म्हात्रे यांनी प्रत्येकी 8 गुण मिळवत चांगली साथ दिली. धुळेच्या अक्षय पाटील ने 9 बोनस गुणांसह एकूण 16 गुण मिळवले.
बेस्ट रेडर- अक्षय पाटील, धुळे
बेस्ट डिफेंडर- रुपेश साळुंखे, मुंबई शहर
कबड्डी का कमाल- जतिन विंदे, मुंबई शहर
महत्वाच्या बातम्या –
के. एम. पी. युवा कबड्डी सिरीज 2024 मध्ये अहमदनगर, बीड संघाचा सलग दुसरा विजय
के. एम. पी. युवा कबड्डी सिरीज मध्ये नांदेड संघाचा दुसरा विजय
