भारतीय संघाचा (Team India) सलामीवीर फलंदाज केएल राहुल (KL Rahul) सध्या फिटनेसच्या समस्येशी झगडत आहे. याच कारणास्तव तो श्रीलंकेविरुद्धच्या सध्या खेळल्या जात असलेल्या टी२० मालिकेसाठी संघासोबत उपस्थित नाहीये. नुकत्याच खेळल्या गेलेल्या वेस्ट इंडिजविरुद्धच्या टी२० आणि एकदिवसीय मालिकेतही तो उपस्थित नव्हता. असे असले, तरीही राहुलच्या चाहत्यांसाठी एक चांगला संकेत मिळाला आहे. राहुलने एक व्हिडिओ शेअर केला आहे, ज्यामध्ये तो व्यायाम करताना दिसत आहे.
फिटनेसच्या कारणास्तव विश्रांतीवर असलेला राहुल लवकरच संघात पुनरागमन करण्याच्या तयारीत आहे. अशातच त्याने स्वतःच्या अधिकृत सोशल मीडिया खात्यावरून जिममध्ये व्यायाम करतानाचा व्हिडिओ शेअर केला आहे. राहुलने या व्हिडिओच्या कॅप्शनमध्ये लिहिले आहे, “क्लोजर.” त्याला या कॅप्शनमधून असे सूचित करायचे असू शकते की, तो पूर्णपणे फिट होण्यासाठी किंवा संघात पुनरागमन करण्यापासून तो थोडाच दूर आहे. व्हिडिओवर चाहत्यांकडून मोठ्या प्रमाणात लाईक्स मिळत आहेत.
Closer ???? pic.twitter.com/fEIYgWptGr
— K L Rahul (@klrahul) February 23, 2022
श्रीलंकेविरुद्धच्या टी२० मालिकेतू माघार घेतल्यानंतर आता चाहत्यांना केएल राहुल थेट आयपीएल २०२२ मध्ये खेळताना दिसू शकतो. श्रीलंकेविरुद्धच्या कसोटी मालिकेसाठीही तो उपलब्ध नसणार आहे. आयपीएलमध्ये आगामी हंगामापासून सहभागी होणारा लखनऊ सुपर जायंट्स संघाने राहिलला मेगा लिलावापूर्वी रिटेन केले होते. पंजाब किंग्जची साथ सोडल्यानंतर लखनऊने त्याला तब्बल १७ कोटी रुपये देऊन संघात रिटेन केले होते. राहुल लखनऊ संघाचे नेतृत्व करताना दिसणार आहे.
श्रीलंका संघाविरुद्धची टी२० मालिका गुरुवारी (२३ फेब्रुवारी) सुरू झाली. मायदेशात खेळल्या जाणाऱ्या या मालिकेतील दुसरा सामना २६, तर तिसरा सामना २७ फेब्रुवारीला खेळला जाईल. त्यानंतर ४ मार्चला उभय संघातील पहिला कसोटी सामना सुरू होईल, तर दुसरा कसोटी सामना १२ मार्चला सुरू होईल.
लखनऊ सुपर जायंट्सचा संपूर्ण संघ-
केएल राहुल, मनीष पांडे, क्विंटन डी कॉक, मनन वोहरा, एविन लुईस, मार्कस स्टॉयनिस, कृष्णप्पा गौतम, कर्ण शर्मा, जेसन होल्डर, काईल मेयर्स, दीपक हुडा, कृणाल पांड्या, आयुष बदोनी, रवी बिश्नोई, मार्क वुड, दुश्मन्था चमीरा, अंकित राजपूत, मोहसिन खान, शाहबाज नदीम, आवेश खान, मयंक यादव.
महत्वाच्या बातम्या –
श्रीलंकेविरुद्धच्या पहिल्या टी२० सामन्यात ‘हिटमॅन’ला मोठा विक्रम करण्याची संधी; फक्त १२ षटकार दूर
‘मास्टर ब्लास्टर’चे सोशल मीडियावरून आवाहन; म्हणाला, ‘कधीच दारू, जुगार अन् तंबाखूची…’
जेव्हा भेटले दोन ‘खिलाडी’…! सोशल मीडियावर व्हायरल होतोय एमएस धोनी आणि अक्षय कुमारचा फोटो
