एमएस धोनीच्या नेतृत्त्वाखालील चेन्नई सुपर किंग्स संघाला आयपीएल २०२०चा सर्वात वयस्कर संघ म्हणून ओळखले जाते. कारण चेन्नईत युवा खेळाडूंपेक्षा जास्त ३० किंवा त्यापेक्षा अधिक वय असलेल्या खेळाडूंचा भरणा आहे. त्यामुळे हेच वयस्कर खेळाडू यावर्षी चेन्नईच्या अपयशाला जबाबदार ठरले असल्याची सर्वत्र चर्चा होऊ लागली आहे. आता वेस्ट इंडिजचे माजी क्रिकेटपटू ब्रायन लारा यांनी देखील चेन्नईच्या अपयशामागचे कारण सांगितले आहे.
..म्हणून यावर्षी चेन्नईने केले खराब प्रदर्शन
स्टार स्पोर्ट्सच्या ‘सिलेक्ट डगआऊट कार्यक्रमात’ बोलताना लारा म्हणाले की, “चेन्नई संघाकडे खूप जास्त अनुभवी (वयस्कर) खेळाडू आहेत. त्यामुळे त्यांच्याकडे युवा खेळाडूंची कमतरता आहे. त्यातही त्यांचे कित्येक परदेशी खेळाडू गेल्या अनेक वर्षांपासून संघात कायम आहेत. हे सर्व पाहता, चेन्नई संघ व्यवस्थापणाने युवा खेळाडूंचे समर्थन करायला पाहिजे होते. त्यांनी युवा खेळाडूंना जास्त संधी दिल्या नाहीत. म्हणूनच यावर्षी त्यांचे प्रदर्शन इतके खराब राहिले आहे.”
युवा खेळाडूंना द्यावी संधी
“यावर्षीचा हंगाम सर्वांसाठी अश्विनसनीय राहिला आहे. कारण आपणा सर्वांना माहिती आहे की, जेव्हाही चेन्नई खेळू लागते तेव्हा ते त्यांचे उत्तमोत्तम देण्याच्या प्रयत्नात असतात. यावर्षीही आपणा सर्वांची चेन्नईकडून हीच अपेक्षा होती. पण यंदा त्यांची गाडी डगमगली. म्हणून त्यांनी उर्वरित सामन्यात युवा खेळाडूंना संधी द्यायला हवी.” असे पुढे बोलताना लारा यांनी सांगितले.
गुणतालिकेत आहे शेवटच्या स्थानावर
चेन्नई सुपर किंग्सने आयपीएल २०२०च्या उद्घाटनाच्या सामन्यात मुंबई इंडियन्सला पराभूत करत हंगामाची दणक्यात सुरुवात केली होती. मात्र पुढे त्यांना सातत्याने चांगले प्रदर्शन करता आले नाही. या हंगामात चेन्नईने आतापर्यंत १२ सामने खेळले असून त्यातील ४ सामने जिंकले आहेत. तर ८ सामन्यात त्यांना पराभवाला सामोरे जावे लागले आहे.
त्यामुळे ८ गुण आणि -०.६०२ नेट रन रेटसह चेन्नई संघ गुणतालिकेत शेवटच्या स्थानावर आहे. आता त्यांचे केवळ २ सामने उरले आहेत. कोलकाता नाईट रायडर्स आणि किंग्स इलेव्हन पंजाब यांच्याविरुद्ध चेन्नई उरलेले २ सामने खेळणार आहे.
महत्त्वाच्या बातम्या-
तब्बल १२ शतके ठोकणार्‍या २५ वर्षीय क्रिकेटरने मध्येच सोडली क्रिकेट स्पर्धा, ‘हे’ आहे कारण
भारतीय संघात पहिल्यांदाच निवड झालेल्या मिस्ट्री स्पिनरने केले आहे ‘या’ चित्रपटात काम
दुर्दैव! युवांनाही सट्टेबाजीचे वेड; वाराणसीतून ४ विद्यार्थ्यांसह ११ जणांना अटक
ट्रेंडिंग लेख-
SRH विरुद्ध केलेल्या ‘या’ तीन चुकांमुळे DC चं ‘प्ले ऑफ’ तिकीट लांबणीवर
Top-5 Fielding: निकोलस पूरनच्या फिल्डींगला जाँटी ऱ्होड्सचा सलाम; सचिननेही केली आर्चरवर कमेंट
हैदराबादचे ‘हे’ पाच धुरंदर अख्ख्या दिल्लीवर पडले भारी; मिळवला दणदणीत विजय