भारतीय क्रिकेट संघाचा सलामीवीर मयंक अगरवाल काही काळापासून संघाबाहेर आहे. असे असतानाच आता त्याच्या आयुष्यात एक मोठी घटना घडली आहे. मयंकची पत्नी अशिता हिने एका गोंडस मुलाला जन्म दिला असून, मयंकने आपल्या इंस्टाग्राम हँडलवरून पत्नी व मुलासह आपले छायाचित्र पोस्ट केले आहे.
रविवारी (11 डिसेंबर) मयंकने आपल्या इंस्टाग्राम हॅण्डलवर पोस्ट करताना लिहिले,
https://www.instagram.com/p/CmA1Ts7SiXa/?igshid=YmMyMTA2M2Y=
‘आज आम्ही खूप आनंदी आहोत. आम्हाला आमच्या आयांशशी तुमची ओळख करून द्यायची आहे. सूर्याचा पहिला किरण, आमचा वाटा आणि देवाची भेट’
मयंकने पोस्ट केलेल्या छायाचित्रात मुलाचा चेहरा स्पष्टपणे दिसत नसला तरी, मयंक व त्याच्या पत्नीच्या चेहऱ्यावरील आनंद दिसून येत आहे.
मयंकने 2018 मध्ये आशिता सूद हिच्याशी लग्न केले होते. त्यानंतरच मयंकची भारतीय संघात निवड झालेली. सध्या तो मागील नऊ महिन्यांपासून संघाबाहेर आहे.
पुत्र प्राप्तीनंतर मयंकला भारतीय संघातील त्याच्या सहकाऱ्यांनी शुभेच्छा दिल्या आहेत. भारतीय संघात सामाजिक कर्णधार व वरिष्ठ फलंदाज विराट कोहली, अजिंक्य रहाणे तसेच जसप्रीत बुमराह याची पत्नी संजना यांनी त्याचे अभिनंदन केले.
मयंकच्या आंतरराष्ट्रीय कारकीर्दीचा विचार केल्यास, त्याने भारतीय संघासाठी 21 कसोटी सामने खेळताना 1,488 धावा केल्या आहेत. तसेच यादरम्यान त्याच्या बॅटमधून चार शतकेही आलेली. तसेच भारतासाठी त्याला पाच वनडे सामने खेळण्याची देखील संधी मिळाली आहे. मागील वर्षी आयपीएलमध्ये त्याने पंजाब किंग्स संघाचे नेतृत्व केले होते. मात्र, आयपीएल 2023 लिलावाआधी त्याला करारमुक्त करण्यात आले आहे. लिलावात त्याची आधारभूत किंमत 1.50 कोटी इतकी असेल.
(mayank agarwal and wife aashita blessed with baby boy mayank shared picture)
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
उनादकतच्या पुनरागमनानंतर पाच वर्षापासून बाहेर असलेला फलंदाज मागतोय संधी; ट्विट करत लिहिले, ‘प्रिय क्रिकेट…’
द्विशतक ईशानचं, पण लक्ष वेधतोय विराटचा भांगडा; व्हिडिओ पाहून तुमचेही थिरकतील पाय
