मुंबई । अफगाणिस्तानचा फिरकीपटू मोहम्मद नबी याने सीपीएल 2020 मध्ये पाच विकेट घेणारा पहिला गोलंदाज बनला आहे. त्याने कॅरिबियन प्रीमियर लीगच्या 15 व्या सामन्यात आपल्या चमकदार गोलंदाजीने सर्वांची मने जिंकली.
सेंट लुसिया झुक्सकडून खेळत असलेल्या मोहम्मद नबीने सेंट किट्स आणि नेव्हिस पैट्रियट्स विरुद्ध 4 षटकांत केवळ 15 धावा देऊन 5 बळी घेतले. ऑफस्पिनर असूनही, मोहम्मद नबी सलामीला गोलंदाजी करण्यासाठी आला. आपल्या फिरकी गोलंदाजीने त्याने विरोधी संघाचे धाबे दणाणून सोडले. ख्रिस लीन, निक केली, एव्हिन लुईस, दिनेश रामदिन सारख्या धडाकेबाज फलंदाजांना आपल्या फिरकीच्या जाळ्यात ओढून घेत हा पराक्रम केला.
पहिल्या दोन षटकांत चार विकेट
नबीने पहिल्याच षटकात दोन गडी बाद केले. त्याने पहिल्या पाच चेंडूंवर ख्रिस लिन आणि निक केलीला बाद केले. यानंतर पुढच्या षटकात नबीने आणखी दोन बळी घेतले. त्याने प्रथम दिनेश रामदिन आणि त्यानंतर इव्हिन लुईस यांना बाद केले. शेवटी, नबीने सोहेल तन्वीरची विकेट घेऊन आपले पाच विकेट्स पूर्ण केले.
त्यामुळे सामन्यात सेंट किट्सने प्रथम फलंदाजी करताना ९ बाद ११० धावा केल्या. तर १११ धावांचे लक्ष सेंट लुसियाने १५व्या षटकात पूर्ण करत हा सामना ६ विकेट्सने जिंकला.
सीपीएल 2020 मध्ये उत्कृष्ट कामगिरी
मोहम्मद नबीने सेंट लुसियासाठी फलंदाजी आणि गोलंदाजीत शानदार प्रदर्शन केले. त्याने 5 डावात 40 च्या सरासरीने 120 धावा केल्या. गोलंदाजीत नबीने 6 डावात 9 विकेट्स घेतल्या आहेत आणि त्याचा इकॉनॉमी रनरेट 4.80 आहे.
आयपीएलमध्ये फक्त 13 सामने खेळला
मोहम्मद नबी हा सनरायझर्स हैदराबाद संघाचा भाग आहे. पण या अष्टपैलू खेळाडूने आयपीएलमध्ये गेल्या तीन वर्षांत केवळ 13 सामने खेळले आहेत. आशा आहे की या वेळी त्याला आयपीएलमध्ये अधिक संधी मिळतील. कारण हा अष्टपैलू चांगल्या फॉर्ममध्ये आहे.
मोहम्मद नबी याची कारकीर्द
टी -20 क्रिकेटमध्ये मोहम्मद नबीला मोठा अनुभव अहे. तो इंग्लंडमधील टी -20 ब्लास्टपासून ऑस्ट्रेलियाच्या बिग बॅश लीगपर्यंत खेळतो. त्याने 263 टी -20 सामने खेळले आहेत, ज्यामध्ये त्याच्या बॅटने 4071 धावा केल्या आहेत. याशिवाय त्याने 259 विकेट्स त्याच्या नावावर केल्या आहेत. सीपीएल 2020 मधील 15 धावा देऊन 5 बळी त्याच्या कारकीर्दीतील सर्वोत्कृष्ट गोलंदाजी कामगिरी आहेत.
महत्त्वाच्या बातम्या –
बाप होणार विराट कोहली, पण ट्रोल होतोय सैफ अलीचा मुलगा तैमूर
विराट कोहली बाप होणार असल्याची बातमी कळताच क्रिकेट ऑस्ट्रेलियाची उडाली झोप
नवरा क्रिकेटच्या मैदानात तर बायको तमिळ चित्रपट सृष्टीत करतेय धमाका
ट्रेंडिंग लेख –
‘या’ २ अष्टपैलू क्रिकेटर्ससाठी आयपीएल ठरणार लकी; भविष्यात मिळणार भारतीय संघात पदार्पण करण्याची संधी?
वाढदिवस विशेष: धारदार यॉर्करने भल्याभल्यांची भंबेरी उडवणारा लसिथ मलिंगा
एमएस धोनीचे आयपीएलमधील ३ शानदार विक्रम, ज्यांच्या आसपासही नाही कुणी