Mohammed Siraj Statement: इंग्लंडविरुद्ध खेळल्या गेलेल्या 5 सामन्यांच्या कसोटी मालिकेत मोहम्मद सिराजने खूप प्रभावी कामगिरी केली. त्याने आपल्या शानदार गोलंदाजीने सर्वांना प्रभावित केले. विशेष म्हणजे सिराज भारतासाठी सर्वच सामने खेळला. या वेगवान गोलंदाजाने मालिकेत सर्वाधिक विकेट्सही आपल्या नावावर केल्या. पाचव्या सामन्यानंतर सिराजने आपल्या वर्कलोडबद्दल मत व्यक्त केले आहे. (Mohammed Siraj Test Series)
भारत आणि इंग्लंड यांच्यातील मालिका संपल्यानंतर सिराजचे कौतुक सर्वत्र होत आहे. त्याने पाचव्या सामन्याच्या पहिल्या डावात 4 आणि दुसऱ्या डावात 5 विकेट्स घेत इंग्लंडला धक्के दिले. भारतासाठी दुसऱ्या डावात त्याने जवळपास हरलेली बाजी भारतीय संघाला जिंकवून दिली, कारण पाचव्या दिवशी इंग्लंडला विजयासाठी फक्त 35 धावा करायच्या होत्या आणि त्यांच्याकडे 4 विकेट्स शिल्लक होत्या. सिराजने खेळलेल्या सर्व 5 सामन्यांमध्ये भारतासाठी आपले 100 टक्के योगदान दिले. (IND vs ENG Test Performance)
सामन्यानंतर सिराज म्हणाला की, “माझे शरीर ठीक आहे. मी मालिकेत जवळपास 197 षटके गोलंदाजी केली. जेव्हा तुम्ही देशासाठी खेळता, तेव्हा आपले 100 टक्के देता. मी स्वतःवर विश्वास ठेवतो. मी प्रत्येक चेंडू माझ्या देशासाठी टाकतो, माझ्यासाठी नाही. देशासाठी खेळा आणि सर्व काही पणाला लावा, गोष्ट संपली.” सिराजने वर्कलोडवर केलेले हे विधान, क्रिकेटमध्ये वर्कलोडची चर्चा करणाऱ्या लोकांसाठी एक सडेतोड उत्तर आहे. (Mohammed Siraj On Workload)
पाचव्या सामन्यात सिराजने एकूण 9 विकेट्स घेतल्या. यामुळे त्याला सामनावीर (Player of the Match) पुरस्कार मिळाला. त्याने संपूर्ण मालिकेत सर्वाधिक विकेट्स घेतल्या होत्या. त्याने 32.43च्या सरासरीने 9 डावांमध्ये एकूण 23 विकेट्स घेतल्या. त्याच्याशिवाय जोश टंगने 19 आणि बेन स्टोक्सने 17 विकेट्स घेतल्या. तर या मालिकेत शुबमन गिलने सर्वाधिक 754 धावा केल्या. (Indian Bowler Performance)
