‘कॅप्टन कूल’ धोनीच्या पत्नीचा चढला पारा! ट्वीट करत झाप झाप झापलं, जाणून घ्या प्रकरण

सध्या उन्हाळा सुरू असल्यामुळे सर्वत्रच विजेचा अतिवापर होताना दिसत आहे. त्यामुळे अनेक ठिकाणी विजेच्या समस्या निर्माण होत आहेत. याचा फटका फक्त सामान्य नागरिकच नाहीत, तर मोठ-मोठ्या सेलिब्रिटींनाही बसत आहे. अशात भारतीय संघ आणि चेन्नई सुपर किंग्सचा माजी कर्णधार एमएस धोनीची पत्नी साक्षी धोनीने झारखंडमधील विजेच्या संकटाबाबत आपली नाराजी व्यक्त केली आहे. तिने तिच्या अधिकृत सोशल मीडिया अकाऊंटवर याबाबत प्रश्न विचारला आहे.

एमएस धोनी (MS Dhoni) आणि त्याची पत्नी साक्षी (Sakshi Dhoni) रांचीतील त्यांच्या फार्म हाऊसवर राहतात. धोनी सध्या आयपीएल २०२२मध्ये खेळण्यासाठी महाराष्ट्रात आहे. अशात साक्षीने एक कर भरणारी व्यक्ती म्हणून आपली जबाबदारी पार पाडत आहे. तिने या विजेच्या संकटाबद्दल प्रश्न उपस्थित करत ट्वीट केले आहे. ती आपल्या ट्वीटमध्ये म्हणते की, “झारखंडची एक करदाता असल्याने मला हे जाणून घ्यायचे आहे की, येथे इतक्या वर्षांपासून वीज संकट का आहे? वीज बचतीसाठी आम्ही आमची भूमिका गांभीर्याने घेत आहोत.”

As a tax payer of Jharkhand just want to know why is there a power crisis in Jharkhand since so many years ? We are doing our part by consciously making sure we save energy !

— Sakshi Singh 🇮🇳❤️ (@SaakshiSRawat) April 25, 2022

महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा

यापूर्वीही साक्षीने केले होते ट्वीट
वीज संकटावर साक्षी धोनीने प्रश्न उपस्थित करण्याची ही पहिलीच वेळ नाहीये. तिने यापूर्वीही वीज संकटाबद्दल मत मांडले होते. तिने १९ सप्टेंबर, २०१९ रोजी ट्वीट केले होते. त्यात ती म्हणाली होती की, “रांचीमध्ये लोक दररोज विजेच्या संकटाचा सामना करतात. दररोज ४ ते ७ तास वीज कापली जाते. आज १९ सप्टेंबर, २०१९ दिवशीही ५ तास वीज कापली आहे. आज वातावरणही चांगले आहे आणि कोणता सणही नाहीये. मला आशा आहे की, संबंधित विभाग यावर लक्ष देतील.”

https://twitter.com/SaakshiSRawat/status/1174641094916595712?ref_src=twsrc%5Etfw%7Ctwcamp%5Etweetembed%7Ctwterm%5E1174641094916595712%7Ctwgr%5E%7Ctwcon%5Es1_&ref_url=https%3A%2F%2Fwww.aajtak.in%2Fsports%2Fcricket%2Fstory%2Fsakshi-dhoni-questioned-power-crisis-in-jharkhand-see-the-tweet-ms-dhoni-wife-tspo-1452792-2022-04-26

महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा

झारखंड वीज वितरण निगम लिमिटेडने सोमवारी (२५ एप्रिल) असा दावा केला होता की, त्यांनी वीज वितरणात खूप सुधारणा केली आहे. तसेच, राज्याची राजधानी रांचीतील लोकांना १८ ते २० तास अखंड वीज मिळेल.