वेस्ट इंडिज आणि न्यूझीलंड यांच्यात शुक्रवारी(२७ नोव्हेंबर) पहिला टी-२० सामना ऑकलंड येथील ईडन पार्क मैदानावर खेळण्यात आला. पावसाचा व्यत्यय आल्यामुळे हा सामना सामना १६-१६ षटकांचा खेळवण्यात आला होता. त्यामुळे वेस्ट इंडिज संघाने १६ षटकात ७ बाद १८० धावा केल्या होत्या. त्यानंतर फलंदाजीसाठी उतरलेल्या न्यूझीलंड संघाने १५.२ षटकात ५ बाद १७९ धावा करत डकवर्थ लुईस नियमानुसार हा सामना ५ विकेट्सने जिंकला.
न्यूझीलंड संघाने १८१ आव्हानाचा पाठलाग करताना, कॉन्वेनी २९ चेंडूत ४१ धावां केल्या. त्यानंतर ग्लेन फिलिप्सनी ७ चेंडूत २२ धावांची आक्रमक खेळी केली. यानंतर मात्र न्यूझीलंडचा डाव गडगडला आणि ६.३ षटकात ६३ धावसंख्येवर त्यांनी ४ गडी गमावले. पण नंतर जीमी निशमने २४चेंडूचा सामना करताना ५ चौकार आणि ३ षटकारांच्या मदतीने नाबाद ४८ धावांची खेळी साकारली आणि न्यूझीलंडला सावरले.
त्याचबरोबर मिशेल सॅन्टरने १८ चेंडूत नाबाद ३१ धावांची खेळी केली. त्यामुळे न्यूझीलंड संघाने १५.२ षटकात ५ बाद १७९ धावांवर मजल मारली. मात्र पुन्हा पावसामुळे खेळ थांबला. तोपर्यंत वेस्ट इंडिज संघाकडून ओशन थॉमसने २ व शेल्डन कॉट्रेल आणि कायरन पोलार्ड यांनी प्रत्येकी १ गडी बाद केले. पंरतू पुन्हा पाऊस थांबला नसल्याने ‘डकवर्थ लुईस’ या नियमानुसार न्यूझीलंड संघाला विजयी घोषित करण्यात आले.
तत्पूर्वी या सामन्यात न्यूझीलंड संघाने नाणेफेक जिंकून प्रथम क्षेत्ररक्षण करण्याचा निर्णय घेतला. त्यामुळे प्रथम फलंदाजीला आलेल्या वेस्ट इंडिज संघाकडून आंद्रे फ्लेचर आणि ब्रॅण्डन किंग यांनी सलामीला येत पहिल्या गड्यासाठी ३.२ षटकात ५८ धावांची भागीदारी केली. पण त्यानंतर संघाचे ५८ धावसंख्येवर ४ खेळाडू बाद झाले.
या दयनीय अवस्थेतून संघाला कर्णधार पोलार्ड आणि फॅबियन ऍलेन यांनी सावरत सहाव्या गड्यासाठी ८४ धावांची महत्वपूर्ण भागीदारी केली. पोलार्डनी ३७ चेंडूत ४ चौकार अणि ८ षटकारांच्या मदतीने नाबाद ७५ धावांची अर्धशतकी खेळी केली. त्याबरोबर ऍलेनने पोलार्डला साथ देताना २६ चेंडूत ३० धावांची खेळी केली. त्यामुळे वेस्ट इंडिज संघाने ७ बाद १८० धावसंख्या उभारली.
न्यूझीलंडकडून गोलंदाजीत प्रभारी कर्णधार टीम साऊदीने २ आणि लॉकी फर्ग्युसनने ५ गडी बाद केले.
महत्त्वाच्या बातम्या –
ऑस्ट्रेलियन खेळाडूने बांधली हार्दिकच्या बुटाची लेस, व्हिडिओ व्हायरल
सिडनीची साडेसाती संपेना! सिडनीच्या मैदानावर विराट पुन्हा अपयशी
अबब! स्टीव स्मिथचे भारताविरुद्धचे ‘हे’ आकडे तुम्हालाही करतील थक्क