ऑस्ट्रेलियाविरुद्धच्या दुसऱ्या कसोटी सामन्यात भारतीय संघाच्या फलंदाजांकडून फ्लॉप कामगिरी पाहायला मिळाली. संघामध्ये एकापेक्षा एक महान फलंदाज उपस्थित होते. फलंदाजांच्या खराब कामगिरीची किंमत टीम इंडियाला 10 गडी राखून गमावून चुकवावी लागली. संघाने पहिल्या डावात 180 धावा तर दुसऱ्या डावात 175 धावा केल्या. ऑस्ट्रेलियाच्या घातक वेगवान गोलंदाजांसमोर फक्त नितीश रेड्डीच उभे राहू शकला. आपल्या फलंदाजीने छाप पाडण्यात तो निश्चितच यशस्वी ठरला आहे. दुसऱ्या कसोटीच्या दोन्ही डावात तो भारतासाठी सर्वाधिक धावा करणारा फलंदाज होता.
नितीश कुमार रेड्डीने ऑस्ट्रेलियाविरुद्धच्या पहिल्या कसोटी सामन्यात पदार्पण केले. ज्यात त्याने 41 आणि 38 धावांची खेळी खेळली आणि एक विकेटही घेतली. दुसऱ्या कसोटी सामन्यातही त्याने हाच फॉर्म कायम ठेवत दमदार कामगिरी केली. त्याने दोन्ही डावात 42-42 धावा केल्या. विशेष म्हणजे नितीशने आक्रमक खेळ करत धावा केल्या. त्याने प्रतिकूल परिस्थितीत चांगली फलंदाजी केली आहे. तेही जेव्हा इतर भारतीय फलंदाजांना मोठी धावसंख्या करता आली नाही.
त्याने आपल्या कारकिर्दीत आतापर्यंत एकूण दोन कसोटी सामने खेळले आहेत. जे त्याने ऑस्ट्रेलियन भूमीवर खेळले आहेत. ज्यामध्ये त्याने 163 धावा केल्या आहेत आणि यादरम्यान त्याने 7 षटकारही ठोकले आहेत. नितीश ऑस्ट्रेलियात कसोटी मालिकेत सर्वाधिक षटकार मारणारा भारतीय फलंदाज ठरला आहे. त्याने वीरेंद्र सेहवागचा विक्रम मोडला आहे. 2003-04 मध्ये ऑस्ट्रेलियात झालेल्या मालिकेदरम्यान सेहवागने 6 षटकार मारले होते. त्यानंतर त्याने 8 डावात एकूण 464 धावा केल्या. विशेष म्हणजे नितीशने फक्त दोन कसोटी खेळून सेहवागचा विक्रम मोडीत काढला आहे. तर ऑस्ट्रेलियातील कसोटी मालिकेदरम्यान सचिन तेंडुलकर, रोहित शर्मासारख्या फलंदाजांना 7 षटकारही मारता आले नाहीत.
ऑस्ट्रेलियात कसोटी मालिकेत सर्वाधिक षटकार ठोकणारे भारतीय फलंदाज:
नितीश रेड्डी- 7 षटकार, 2024-25
वीरेंद्र सेहवाग- 6 षटकार, 2003-04
मुरली विजय- 6 षटकार, 2014-15
सचिन तेंडुलकर- 5 षटकार, 2007-08
रोहित शर्मा- 5 षटकार, 2014-15
मयंक अग्रवाल- 5 षटकार, 2018-19
रिषभ पंत- 5 षटकार, 2018-19
21 वर्षीय नितीश कुमार रेड्डीचा देशांतर्गत क्रिकेटमध्ये मजबूत रेकॉर्ड आहे. त्याने 25 प्रथम श्रेणी सामन्यांमध्ये एकूण 942 धावा केल्या आहेत. याशिवाय 22 लिस्ट-ए सामन्यांमध्ये त्याच्या नावावर 403 धावा आहेत. तो आयपीएलमध्ये सनरायझर्स हैदराबाद संघाकडून खेळतो. ज्यात त्याने आतापर्यंत 15 आयपीएल सामन्यांमध्ये 303 धावा केल्या आहेत. ज्यामध्ये दोन अर्धशतकांचा समावेश आहे.
हेही वाचा-
IPL 2025; कृणाल पांड्या होणार आरसीबीचा कर्णधार?
“त्याला स्वत:ला सिद्ध करण्याची गरज नाही” माजी दिग्गजाचे रोहितबद्दल मोठे वक्तव्य!
तिसऱ्या कसोटीत भारताचे वाढणार टेन्शन? ऑस्ट्रेलियाच्या स्टार गोलंदाजाचे होणार पुनरागमन
