मुंबई । प्रत्येक चाहत्याला आयुष्यात एकदा त्यांच्या हिरोला भेटण्याची इच्छा असते. कधी कधी त्या फॅनचे नशीब इतके मोठे असते की त्याला आपल्या आवडत्या हिरोला जवळून पाहण्याची संधी मिळते. शिवाय सेलिब्रिटीसोबत सेल्फीदेखील काढण्याची संधी मिळते. पाकिस्तानचा स्टार गोलंदाज हारीस रऊफ याच्याबरोबर सेल्फी घेण्याची संधी मोहम्मद शहाब खुरी यास मिळाली होती.
तथापि, स्टार गोलंदाजाबरोबर सेल्फी घेण्याचा आनंद मिळालेल्या या चाहत्याचा आनंद लवकरच चिंतेत बदलला. फॅनला नंतर समजले की ज्या क्रिकेटपटूबरोबर त्याने सेल्फी काढला त्याला कोरोनाचा संसर्ग झाला. इंग्लंड दौर्यावर जाण्यापूर्वी पाकिस्तान क्रिकेट बोर्डाने सर्व खेळाडूंची कोरोना चाचणी केली होती आणि कोरोना पॉझिटिव्ह असल्याचे आढळल्यानंतर राऊफला इंग्लंड दौर्यावर जात असलेल्या पाकिस्तान संघातून वगळण्यात आले.
रऊफबरोबर सेल्फी घेतल्यावर रऊफ पाकिस्तानात का आहे आणि संघासोबतसह इंग्लंड दौर्यावर का गेला नाही हे पाहून चाहत्यांना आश्चर्य वाटले. यानंतर फॅनने गूगल सर्च केले आणि मग त्यांना कळले की रऊफला कोरोनाचा संसर्ग आहे आणि म्हणूनच तो या मालिकेचा भाग नाही. नंतर रऊफच्या जागी मोहम्मद आमिरचा संघात समावेश करण्यात आला. कोरोना चाचणी निगेटीव्ह आल्यानंतर जो इंग्लंडला गेला.
रऊफची 6 वेळा कोरोना चाचणी झाली, ज्यामध्ये तो 5 वेळा पॉझिटिव्ह आला. निवडीसाठी, खेळाडूला सलग दोन चाचण्यांमध्ये निगेटीव्ह यावे लागते. रऊफची पाचवी चाचणी निगेटिव्ह आली होती, पण पुढच्या चाचणीत तो पुन्हा पॉझिटिव्ह सापडला. इतकेच नाही तर या दौऱ्याआधी रऊफने पाकिस्तानच्या क्वारंटाइनच्या मार्गदर्शक तत्त्वाचे उल्लंघन केले होते.
