पॅरिस ऑलिम्पिक 2024 मोहीम संपले आहे. ज्यामध्ये भारताला फक्त 6 पदकावर समाधान मानावे लागले. आता पंतप्रधान नरेंद्र मोदी 15 ऑगस्ट रोजी म्हणजेच भारताच्या स्वातंत्र्यदिनी पॅरिस ऑलिम्पिक 2024 मध्ये सहभागी होणाऱ्या सर्व भारतीय खेळाडूंना भेटणार आहेत. 15 ऑगस्ट रोजी जवळपास दुपारी 1 वाजता पंतप्रधान मोदी संपूर्ण भारतीय टीमला भेटतील. भारतीय ऑलिम्पिक संघातील प्रत्येक खेळाडूला 15 ऑगस्टला लाल किल्ल्यावर येण्याचे निमंत्रण देण्यात आले आहे.
इंडिया टुडेच्या वृत्तानुसार, पॅरिस ऑलिम्पिकमध्ये सहभागी होणारे सर्व 117 खेळाडू स्वातंत्र्य दिनानिमित्त लाल किल्ल्यावर उपस्थित राहणार आहेत. याशिवाय भारतासाठी पदक जिंकणाऱ्या खेळाडूंना पंतप्रधान मोदी स्वतंत्रपणे भेटू शकतात. पॅरिस ऑलिम्पिकमध्ये जेव्हा जेव्हा एखादा भारतीय खेळाडू पदक जिंकला तेव्हा पंतप्रधान नरेंद्र मोदी यांनी त्याच्याशी फोनवर बोलून शुभेच्छा दिल्या होत्या. याशिवाय, त्यांनी त्या भारतीय खेळाडूंचेही मनोबल उंचावले जे अगदी जवळच्या फरकाने पदक जिंकू शकले नाहीत.
तत्पूर्वी, ‘X’ च्या माध्यमातून पंतप्रधान मोदींनी सर्व भारतीय खेळाडूंना त्यांच्या पुढील प्रवासासाठी शुभेच्छा दिल्या होत्या. पंतप्रधानांनी सोशल मीडिया पोस्टद्वारे सर्व खेळाडूंबद्दल आदर व्यक्त केला आणि म्हटले की प्रत्येक भारतीयाला सर्व खेळाडूंचा अभिमान आहे.
भारताची स्टार कुस्तीपटू विनेश फोगटसाठी गेले काही दिवस अडचणींनी भरलेले आहेत. निर्धारित वजनापेक्षा 100 ग्रॅम जास्त वजन भरल्याने अंतिम सामना खेळण्यापूर्वीच ती ऑलिम्पिकमधून अपात्र ठरली. यावर तिने सीएएसकडे अपील केले, जे विनेशला रौप्य पदक देण्याच्या मुद्द्यावर 13 ऑगस्ट रोजी निर्णय होईल.
या विषयावर पीएम मोदींनी विनेशला पाठिंबा दर्शवला आणि म्हटले की ती चॅम्पियन्समध्ये चॅम्पियन आहे. विनेशचे मनोबल वाढवण्यासाठी ते असेही म्हणाले की अशा घटना अनेकदा हृदयद्रावक असतात, परंतु या दुःखद घटनेचे वर्णन करण्यासाठी त्यांच्याकडे शब्द नाहीत. पीएम मोदींनीही विनेश फोगटला तिच्या भावी वाटचालीसाठी अनेक शुभेच्छा दिल्या होत्या.
हेही वाचा-
पॅरिसहून नीरज चोप्रा भारताऐवजी अचानक जर्मनीला रवाना; गंभीर प्रकरण समोर
लग्नाविना दुसऱ्यांदा वडील बनणार स्टुअर्ट ब्रॉड, गोंडस फोटो शेअर करत दिली गुड न्यूज
IND vs BAN : बांगलादेशविरुद्धच्या कसोटी मालिकेतून ‘या’ भारतीय खेळाडूचा कटू शकतो पत्ता
