एकाचा खराब फॉर्म अन् दुसऱ्याला कोरोना झाल्याने संघात घेतलेला प्रभत चांगलाच गाजतोय! पाहा नवीन पराक्रम

गाले येथे खेळल्या गेलेल्या दुसऱ्या कसोटी सामन्यात श्रीलंकेने पाकिस्तानचा पराभव केला. श्रीलंकेने ही कसोटी २४६ धावांच्या मोठ्या फरकाने जिंकली. अशाप्रकारे २ कसोटी सामन्यांची मालिका १-१ अशी बरोबरीत राहिली. लंकेचा नवा सनसनाटी म्हटला जाणारा प्रभत जयसूर्या, जो श्रीलंकेच्या या विजयाचा हिरो ठरला, त्याने या मालिकेत २४ च्या धडाकेबाज सरासरीने पाकिस्तानच्या १७ फलंदाजांना लक्ष्य केले. गॉल कसोटीतही जयसूर्याने शानदार कामगिरी करत दुसऱ्या डावात ५ विकेटसह सामन्यात ८ बळी घेतले. त्याने दोन्ही डावात पाकिस्तानचा कर्णधार बाबर आझमला बाद केले.

प्रभत जयसूर्याची कारकीर्द केवळ ३ कसोटी सामन्यांची आहे, मात्र या छोट्या कारकिर्दीत त्याने अनेक दिग्गज गोलंदाजांना मागे टाकले आहे. कसोटी कारकिर्दीतील पहिल्या ३ सामन्यांबद्दल बोलायचे झाल्यास, भारताचा माजी लेगस्पिनर नरेंद्र हिरवाणी पहिल्या क्रमांकावर आहे. नरेंद्र हिरवाणीने पहिल्या ३ कसोटी सामन्यात ३१ विकेट घेतल्या. ऑस्ट्रेलियाचा वेगवान गोलंदाज चार्ली टर्नर या यादीत दुसऱ्या क्रमांकावर आहे, ज्याने आपल्या पहिल्या ३ कसोटी सामन्यात २९ विकेट घेतल्या.

आता या यादीत जयसूर्याचाही समावेश झाला आहे
खुद्द प्रभत जयसूर्याही या यादीत संयुक्तपणे दुसऱ्या क्रमांकावर आला असून त्याने आतापर्यंत २९ फलंदाजांना आपला बळी बनवले आहे. चौथ्या क्रमांकावर ऑस्ट्रेलियाचा वेगवान गोलंदाज रुडिन हॉग आहे, ज्याने पहिल्या ३ कसोटी सामन्यात २७ बळी घेतले आहेत. भारताचा डावखुरा फिरकी गोलंदाज अक्षर पटेल या यादीत पाचव्या क्रमांकावर आहे, ज्याने पहिल्या ३ कसोटी सामन्यात २७ बळी घेतले.

सुदैवाने संघात संधी मिळाली
प्रभत जयसूर्याचा अवघ्या तीन आठवड्यांपूर्वीपर्यंत श्रीलंकेच्या कसोटी संघात समावेश नव्हता. पण नशीब जयसूर्यासोबत होते. ऑस्ट्रेलियासोबत नुकत्याच संपलेल्या कसोटी मालिकेत डावखुरा फिरकी गोलंदाज लसिथ एम्बुल्डेनियाला त्याच्या खराब कामगिरीचा फटका सहन करावा लागला आणि त्याला कसोटी संघातून बाहेरचा रस्ता दाखवण्यात आला. यानंतर डावखुरा डावखुरा फिरकी गोलंदाज प्रवीण जयविक्रम कोरोनाचा बळी ठरला. अशा स्थितीत कर्णधार दिमुथ करुणारत्नेकडे कोणताही पर्याय उरला नाही आणि त्याने देशांतर्गत क्रिकेटमध्ये आपली ताकद दाखवणाऱ्या गोलंदाजावर विश्वास दाखवला. मात्र आंतरराष्ट्रीय क्रिकेटमध्ये त्याला अजून पदार्पण करायचे होते. तो गोलंदाज दुसरा कोणी नसून प्रभात जयसूर्या होता.

प्रभत जयसूर्याने या संधीचा पुरेपूर फायदा घेत कर्णधाराचा आत्मविश्वास सार्थ ठरवत चेंडूसह दमदार कामगिरी केली. प्रभाद जयसूर्याने केवळ चांगली कामगिरीच केली नाही, तर ऑस्ट्रेलिया आणि पाकिस्तानविरुद्ध श्रीलंकेच्या विजयात चेंडूने योगदान दिले. प्रभाद जयसूर्याने ज्या पद्धतीने गोलंदाजी केली, त्यामुळे जगभरातील क्रिकेट चाहत्यांच्या अपेक्षा आणखी वाढल्या आहेत. निश्‍चितपणे श्रीलंकेच्या संघाकडेही आता ते शस्त्र आहे, ज्याच्या जोरावर श्रीलंकेचा संघ आगामी काळात उर्वरित संघांसाठी धोक्याची घंटा वाजवू शकतो.

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा

हेही वाचा-

VIDEO | कॅरेबियन गोलंदाजाने दाखवून दिली गुणवत्ता, जबरदस्त चेंडूवर घेतली महत्वाची विकेट

‘जिंकायचे असेल तर आम्हाला आक्रमक खेळ करावा लागेल’, भारतीय कर्णधाराने फुंकले रणशिंग

वेगाचा बादशहा थांबणार! फॉर्मुला वन चॅम्पियन वेटेलची निवृत्तीची घोषणा; भारताशी होते खास नाते