रविवारी (9 मार्च) झालेल्या आयसीसी चॅम्पियन्स ट्राॅफी (ICC Champions Trophy 2025) फायनलमध्ये भारताने न्यूझीलंडला धूळ चारून चॅम्पियन्स ट्राॅफी जिंकली. तत्पूर्वी भारतीय क्रिकेट नियामक मंडळ (BCCI) लवकरच आगामी वार्षिक वर्षासाठी केंद्रीय करार यादी जाहीर करणार आहे.
चॅम्पियन्स ट्रॉफीमधील खेळाडूंच्या कामगिरीचे मूल्यांकन केल्यानंतर बोर्ड यादी जाहीर करेल. गेल्या वर्षी फेब्रुवारीमध्येच ही यादी जाहीर करण्यात आली होती, परंतु यावेळी चॅम्पियन्स ट्रॉफीमुळे ती लांबली. गेल्या वर्षी बीसीसीआयच्या करार यादीत समाविष्ट असलेले अनेक खेळाडू आंतरराष्ट्रीय सामन्यांमध्ये भाग न घेतल्यामुळे यावेळी यादीतून बाहेर पडू शकतात.
आवेश खान (Avesh Khan), रजत पाटीदार (Rajat Patidar), केएस भरत (KS Bharat) इत्यादी खेळाडू यावेळी बीसीसीआयच्या केंद्रीय करार यादीतून बाहेर पडू शकतात. गेल्या वर्षी तिन्ही खेळाडूंना ‘क ग्रेड’मध्ये ठेवण्यात आले होते.
सेंट्रल कॉन्ट्रॅक्टमध्ये समाविष्ट झाल्यानंतर, रजत पाटीदारने गेल्या कॅलेंडर वर्षात आंतरराष्ट्रीय क्रिकेट खेळले नाही. अर्थात, त्याने सय्यद मुश्ताक अली ट्रॉफीच्या गेल्या आवृत्तीत शानदार कामगिरी केली आणि तो दुसऱ्या क्रमांकाचा सर्वाधिक धावा करणारा खेळाडू होता पण त्याला भारत विरुद्ध इंग्लंड टी20 मालिकेत स्थान मिळाले नाही. त्यामुळे पाटीदार बीसीसीआयच्या केंद्रीय करार यादीतून बाहेर पडू शकतो.
आवेश खान देखील केंद्रीय करार यादीतून बाहेर पडू शकतो. 2024 मध्ये खेळल्या गेलेल्या 6 टी20 सामन्यांमध्ये त्याने 6 विकेट्स घेतल्या. त्याने 2023 मध्ये शेवटचा वनडे सामना खेळला. यावेळी तो यादीतून बाहेर पडण्याची शक्यता आहे. केएस भरत यांनाही यादीतून वगळले जाऊ शकते, त्यांनी फेब्रुवारी 2024 मध्ये त्यांचा शेवटचा आंतरराष्ट्रीय सामना खेळला होता.
गेल्या वर्षी, केंद्रीय करार यादीतून वगळलेल्या खेळाडूंमध्ये श्रेयस अय्यर हे एक मोठे नाव होते. देशांतर्गत क्रिकेट गांभीर्याने न घेतल्यामुळे त्याला वगळण्यात आले. चॅम्पियन्स ट्रॉफीमधील त्याच्या शानदार कामगिरीनंतर आता त्याला बीसीसीआयच्या केंद्रीय कराराच्या यादीत समाविष्ट केले जाऊ शकते.
महत्त्वाच्या बातम्या-
IPL 2025: LSGला मोठा धक्का, स्टार खेळाडू दुखापतीमुळे बाहेर
Champions Trophy: विजयानंतर मायदेशी परतला रोहित शर्मा, चाहत्यांनी केलं जंगी स्वागत!
रोहित शर्मानं मोडला एमएस धोनीचा रेकाॅर्ड, हिटमॅनच नाव सुवर्ण अक्षरात
