मंगळवारी (२९ मार्च) आयपीएल २०२२ मध्ये सनरायझर्स हैदराबाद आणि राजस्थान रॉयल्स यांच्यात पुण्याच्या एमसीए मैदानात ५ वा सामना पार पडला. पहिल्याच सामन्यात शानदार खेळ खेळताना राजस्थानने हैदराबादचा ६१ धावांनी पराभव केला. सामन्यादरम्यान अनेक गोष्टी पाहायला मिळाल्या. दरम्यान युझवेंद्र चहलच्या या सामन्यातील उत्कृष्ट कामगिरीनेही लोकांना प्रभावित केले. त्याची पत्नी धनश्री वर्माही त्याला पाठिंबा देताना दिसली.
हैदराबाद आणि राजस्थान संघ यांच्यामध्ये झालेल्या सामन्यात युझवेंद्र चहलची पत्नी धनश्री वर्मासुद्धा पोहोचली होती. यादरम्यान तिचा स्टायलीश लूक पहायला मिळाला. ती सामन्यादरम्यान युझीचे फोटो काढताना सुद्धा दिसली. या दरम्यान युझवेंद्र चहलने प्रेक्षकांमध्ये बसलेल्या आपल्या पत्नीला फ्लाइंग किस दिले. याबद्दल सोशल मीडियावर विविध प्रतिक्रिया उमटत आहेत. अनेकांना चहलचा हा अंदाज पसंत पडला आहे.
https://www.instagram.com/p/CbsgTQYA4Hz/?utm_source=ig_embed&ig_rid=3e9ceb66-234a-4666-8a04-9304fd5ad049
दरम्यान सामन्याबद्दल बोलायचे झाले, तर प्रथम फलंदाजी करताना राजस्थान संघाने सॅमसनच्या ५५, बटलरच्या ३५ आणि पडीक्कलच्या ४० धावांच्या मदतीने २११ धावांचे लक्ष्य हैदराबाद संघासमोर ठेवले. राजस्थानने लक्ष्याचा पाठलाग करणाऱ्या हैदराबाद संघाला १४९ धावांवरच रोखले. हैदराबाद विरुद्ध युझवेंद्र चहलने ३ विकेट्स घेतल्या. तसेच ट्रेंट बोल्ट आणि प्रसिद्ध कृष्णाने प्रत्येकी दोन-दोन विकेट्स घेतल्या. हैदराबादकडून उमरान मलिक आणि टी नटराजनने प्रत्येकी २ विकेट्स घेतल्या. तसेच भुवनेश्वरने १ विकेट घेतली आणि शेफर्ड शेरफेनने १ विकेट घेतली.
धनश्री वर्मा ही सोशल मिडीयावर सतत ऍक्टीव असते. ती तीच्या डान्सचे आणि फॅशनेबल कपड्यांचे फोटो आपल्या इंस्टाग्राम आकाऊंटवरुन शेअर करत असते. ती तीच्या ग्लॅमरस फोटोंमुळे सतत चर्चेत असते. युझवेंद्र चहलने आपल्या आयपीएल कारकिर्दीत ११५ सामन्यांत १४२ विकेट्स घेतल्या आहेत, तसेच त्याने भारतीय संघात खेळताना देखील महत्त्वपूर्ण कामगिरी केली आहे.
महत्त्वाच्या बातम्या-
मोठी बातमी! ऑस्ट्रेलियन महिला ९ व्यांदा विश्वचषकाच्या फायनलमध्ये, वेस्ट इंडिज सेमीफायनलमध्ये पराभूत
Video: विटांच्या वेगवेगळ्या रचना करताना दिसला चेन्नई संघ, धोनी-जडेजाचाही उपक्रमात सहभाग
IPL 2022: केव्हा आणि कसा पाहाल बेंगलोर वि. कोलकाता सामना, कसे असेल हवामान; जाणून घ्या सर्वकाही
