पाकिस्तानचे माजी कर्णधार आणि समालोचक रमीज राजा यांनी अनुभवी खेळाडूंच्या निवृत्त होण्याच्या वक्तव्यानंतर अष्टपैलू क्रिकेटपटू शोएब मलिक आणि राजा यांच्यात शाब्दिक चकमक पहायला मिळाली.
मलिक आणि मोहम्मद हाफीज या पाकिस्तानी क्रिकेटपटूंनी नुकत्याच दिलेल्या मुलाखतीत रमीज राजा यांच्या वक्तव्यावर नाराजी व्यक्त केली होती. हाफीजने यावेळी शांत राहणेच पसंत केले. तर मलिकने आपल्या अधिकृत अकाऊंटवरून राजा आणि हाफीजला टॅग करत ट्वीट केले.
यावेळी मलिकने ट्वीट केले की, “राजा मी तुझ्याशी सहमत आहे. आपण तिघेही आपल्या कारकीर्दीच्या शेवटच्या टप्प्यात आहोत. त्यामुळे आपण सन्मानाने निवृत्ती घेऊया. मी फोन करतो आपण २०२२ साठी तयारी करूया.”
Yes @iramizraja bhai agreed. Since all 3 of us are the end of our careers let’s retire gracefully together – I’ll call and let’s plan this for 2022? ???? @MHafeez22 #jokes https://t.co/vTwf9zzYOC
— Shoaib Malik ???????? (@realshoaibmalik) April 8, 2020
मलिकचे हे ट्वीट राजा यांना आवडले नाही आणि त्यांनी या ट्वीटला प्रत्युत्तर देत लिहिले की, “सन्मानाने निवृत्ती कशापासून? मी पाकिस्तान क्रिकेटसाठी जे योग्य वाटते, ते मी बोलतो. मला असे वाटते की, पाकिस्तान क्रिकेट पुन्हा मोठ्या उंचीवर जावं. मी हे काम करण्यातून कधीच निवृत्त होणार नाही मलिक.”
@realshoaibmalik @MHafeez22 1-retire gracefully .. from what ?.. speaking my mind on pak cricket? Sticking my neck out for pak cricket ? Wanting pak cricket back at top ? No chance .. won’t be gracefully retiring from that ever Malik Sahib! as for ur post retirement plans ..
— Ramiz Raja (@iramizraja) April 9, 2020
आणखी एक ट्वीट करत रमीज यांनी लिहिले की, “२०२२ मध्ये समालोचन करणे कठीण असेल. कारण यासाठी तुला माझ्या वया इतके व्हावं लागेल. तसेच कारकीर्दीबद्दल बोलायचं झालं तर, तुझ्याकडून शिकण्याची गरज नाही. कारण इतिहास हा एक चांगला शिक्षक आहे. मी त्यावेळी निवृत्त झालो, ज्यावेळी मी पाकिस्तान संघाचा कर्णधार होतो.”
