इंडियन प्रीमियर लीग (आयपीएल) चा 18 वा हंगाम 2025 मध्ये खेळला जाणार आहे, जो मार्चच्या तिसऱ्या आठवड्यात सुरू होऊ शकतो. याबाबत, सर्व 10 फ्रँचायझींनी त्यांच्या तयारीला सुरुवात केली आहे. ज्यामध्ये काही संघांचे कर्णधार आधीच निश्चित झाले आहेत, तर काहींनी आयपीएल 2025 साठी त्यांच्या नवीन कर्णधाराची घोषणा केली आहे. आता या यादीत रॉयल चॅलेंजर्स बंगळुरू संघाचे नावही जोडले गेले आहे. ज्यांनी आज 13 फेब्रुवारी रोजी बंगळुरू येथे झालेल्या एका कार्यक्रमात आगामी हंगामासाठी त्यांच्या नवीन कर्णधाराची घोषणा केली. आयपीएल 2025 मध्ये, रजत पाटीदार आरसीबी संघाचे नेतृत्व करताना दिसेल, ज्यांच्या खांद्यावर प्रथमच जेतेपद जिंकण्याची जबाबदारी असेल. मेगा लिलावापूर्वी आरसीबी संघाने रजत पाटीदारला 11 कोटी रुपयांना कायम ठेवले होते.
आगामी आयपीएल हंगामात आरसीबीचे नेतृत्व करणाऱ्या रजत पाटीदारच्या विक्रमावर नजर टाकली तर, मेगा टी20 लीगमध्ये आतापर्यंत त्याने आयपीएलमध्ये 27 सामने खेळले आहेत. ज्यामध्ये त्याने 24 डावांमध्ये फलंदाजी करताना 34.74 च्या सरासरीने एकूण 799 धावा केल्या आहेत. या दरम्यान त्याने 7 अर्धशतके आणि एक शतक झळकले.
???? RAJAT PATIDAR – THE NEW CAPTAIN OF RCB IN IPL ???? pic.twitter.com/dka0355Blr
— Johns. (@CricCrazyJohns) February 13, 2025
आयपीएलच्या पहिल्या हंगामापासून ते 17 व्या हंगामापर्यंत संघात अनेक मॅचविनर्स आणि स्टार खेळाडू असूनही, रॉयल चॅलेंजर्स बंगळुरू संघाला एकदाही विजेतेपद जिंकता आलेले नाही. आरसीबी आतापर्यंत फक्त 3 वेळा अंतिम फेरीत पोहोचला आहे. ज्यामध्ये त्यांना सर्व वेळा पराभवाचा सामना करावा लागला आहे. यामुळे संघाच्या नेतृत्वातही बदल दिसून आले आहेत. गेल्या तीन हंगामात फाफ डू प्लेसिस आरसीबीचे कर्णधारपद सांभाळत होता, त्याला मेगा लिलावापूर्वी संघाने कायम ठेवले नव्हते आणि त्यानंतर तो आयपीएल 2025 साठी आरसीबी संघाचा भाग नाही.
आयपीएल 2025 साठी आरसीबीचा संपूर्ण संघ
विराट कोहली, भुवनेश्वर कुमार, कृणाल पांड्या, रजत पाटीदार, यश दयाल, लियाम लिव्हिंगस्टोन, फिल साल्ट, जितेश शर्मा, जोश हेझलवूड, रसिक दार, स्वप्नील सिंग, टिम डेव्हिड, मनोज भंडागे, जेकब बेथेल, देवदत्त पडिकल, स्वस्तिक चिकारा, लुंगी एनगिडी, अभिनंदन सिंग, मोहित राठी, रोमारियो शेफर्ड, सुयश शर्मा.
हेही वाचा-
IND vs ENG: मालिकावीर शुबमन गिल की श्रेयस अय्यर? जाणून घ्या POTS कोणी जिंकले!
रिझवानच्या नेतृत्वाखाली पाकिस्तानचा ऐतिहासिक विजय! वनडे क्रिकेटमध्ये रचला इतिहास
टीम इंडियाने 14 वर्षांनंतर रचला नवा इतिहास, रोहित शर्माच्या नेतृत्वाखाली मोठी कामगिरी!
