भारत आणि वेस्ट इंडीज (ind vs wi odi & t20i series) यांच्यात ६ फेब्रुवारीपासून तीन सामन्यांची एकदिवसीय मालिका खेळली जाणार आहे, तर १६ फेब्रुवारीपासून उभय संघातील टी-२० मालिकेची सुरुवात होईल. भारतीय संघाचा नवीन कर्णधार रोहित शर्मा (rohit sharma) एकदिवसीय मालिकेतून संघात पुनरागमन करणार आहे. या मालिकेतील पहिलाच सामना भारतीय संघाचा १००० वा एकदिवसीय सामना असेल.
दक्षिण अफ्रिका दौऱ्यापूर्वी त्याला हॅमस्ट्रिंगची दुखापत झाली होती. अशात वेस्ट इंडीजविरुद्ध मालिकेत पुनरागमन करण्यासाठी तो खूप उत्सुक आहे. या गोष्टीची माहिती रोहितने स्वतः एक सोशल मीडिया पोस्ट करून दिली आहे.
रोहितने त्याच्या अधिकृत इंस्टाग्रामवरून ही पोस्ट केली आहे, ज्यामध्ये तो भारतीय संघाच्या जर्सीमध्ये दिसत आहे. फोटोत रोहित खेळपट्टीवर उभा आहे आणि आकाशाकडे पाहत आहे. फोटोसोबत त्याने कॅप्शनमध्ये लिहिले आहे की, “कान्ट वेट टू गेट स्टार्टेड.” याचाच अर्थ असा होतो की, तो मैदानावर पुनरागमन करण्यासाठी तो तयार आहे आणि यासाठी अधिक वाट पाहण्याची त्याच्याकडे क्षमता नाहीय. त्याच्या पोस्टवर चाहत्यांकडून मोठ्या प्रमाणात लाईक्स आल्या आहेत.
https://www.instagram.com/p/CZdwsjlhn5n/?utm_source=ig_web_copy_link
