क्वालिफायर २ सामन्यातील सर्वात भारी व्हिडिओ! चिमुकल्या चाहत्याला आपली जर्सी देऊन बोल्टने जिंकले सर्वांचे मन

इंडियन प्रीमिअर लीग २०२२मधील क्वालिफायर २ सामना राजस्थान रॉयल्स विरुद्ध रॉयल चॅलेंजर्स बेंगलोर संघात पार पडला. हा सामना शुक्रवारी (दि. २७ मे) अहमदाबाद येथील नरेंद्र मोदी स्टेडिअम येथे पार पडला. या सामन्यात राजस्थानने बेंगलोरला ७ विकेट्सने धूळ चारली. या विजयात जोस बटलर याने मोलाचा वाटा उचलला. या सामन्यानंतर ट्रेंट बोल्टचा एक सुंदर व्हिडिओ व्हायरल होत आहे, ज्यामध्ये तो एका लहान चाहत्याला त्याच्या आयुष्यातील सर्वात मोठे गिफ्ट देताना दिसत आहे.

खरं तर राजस्थान रॉयल्स (Rajasthan Royals) संघाने त्यांच्या अधिकृत ट्विटर अकाऊंटवरून एक व्हिडिओ शेअर केला आहे. या व्हिडिओत न्यूझीलंड आणि राजस्थान संघाचा वेगवान गोलंदाज ट्रेंट बोल्ट (Trent Boult) आपली जर्सी देताना दिसत आहे. झाले असे की, बोल्ट मैदानावरून ड्रेसिंग रूमकडे जात होता. यावेळी त्याचे लक्ष एका चाहत्याकडे गेले. यावेळी त्याने आपली जर्सी काढली आणि त्याला देऊ लागला.

मात्र, त्याला तिथे जाळी असल्यामुळे त्याला ती जर्सी देता आली नाही. त्यानंतर त्या चाहत्यानेही त्याची जर्सी काढली. मात्र, बोल्टने त्याला सांगितले की, त्याला त्याची जर्सी नकोय. यानंतर बोल्टने आपल्या सहकाऱ्याला त्याची जर्सी त्या चिमुकल्या चाहत्याला देण्यास सांगितली.

हा व्हिडिओ ट्विटरवर शेअर करत राजस्थानने लिहिले की, “तुम्ही कसे काय ट्रेंट बोल्टशी प्रेम करू शकत नाही? पाहा बोल्टने कशाप्रकारे युवा चाहत्याचा दिवस खास बनवला.”

How can you not love Trent Boult? 😍

Watch him make a young fan's day after #RRvRCB. 💗 pic.twitter.com/YrWgRsAgsN

— Rajasthan Royals (@rajasthanroyals) May 28, 2022

सामन्याचा आढावा
या सामन्यात बेंगलोर संघाने पहिल्यांदा फलंदाजी करताना निर्धारित २० षटकात ८ विकेट्स गमावत १५७ धावा चोपल्या होत्या. या धावांचे आव्हान राजस्थानने १८.१ षटकात ३ विकेट्स गमावत पूर्ण केले. अशाप्रकारे राजस्थानने सामना ७ विकेट्सने खिशात घालत अंतिम सामन्यात धडक दिली.

रविवारी खेळणार अंतिम सामना
राजस्थानला आता रविवारी (२९ मे) रोजी गुजरात टायटन्स संघाविरुद्ध आयपीएल २०२२मधील अंतिम सामना खेळायचा आहे. २००८मध्ये पहिल्यांदा आयपीएलचा किताब जिंकल्यानंतर आता राजस्थान १४ वर्षांनंतर आयपीएलचा अंतिम सामना खेळणार आहे.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

महत्वाच्या बातम्या-

जल्लोष तर होणारच! १४ वर्षांनी आयपीएल फायनलला पोहचलेल्या राजस्थानचे ‘रॉयल’ सेलिब्रेशन

सामना हरला, पण मनं जिंकली! विराटने केले असं काही की होतंय सर्वत्र कौतुक; पाहा Video

‘नशीबवान आहोत, की आमच्याकडे तो आहे’, सॅमसनने गायले ‘या’ खेळाडूचे गुणगान