मास्टर ब्लास्टर सचिन तेंडुलकरने त्याच्या क्रिकेट कारकिर्दीत अनेक विक्रम केले. तसे पाहिले तर, जगातील कोणत्याही फलंदाजाला सचिनचा प्रत्येक विक्रम मोडणे, म्हणजे खूप कठीण काम करण्याजोगे आहे.
पण, भारताचा कर्णधार विराट कोहलीमध्ये तेवढी क्षमता दिसून येते. म्हणून, त्याच्याकडून सचिनच्या विक्रमांना मोडण्याची अपेक्षा क्रिकेटप्रेमींकडून व्यक्त केली जाते. पण, सचिनच्या नावावर असेही काही विक्रम आहेत, ज्यांना मोडणे विराटसाठीही अशक्य आहे. Sachin tendulkar’s some records that are challenge for virat kohli.
वनडे आणि कसोटीत २०००पेक्षा जास्त चौकार मारणारा एकमेव फलंदाज
सचिनहा जगातील एकमेव असा क्रिकेटपटू आहे, ज्याने कसोटी आणि वनडे क्रिकेट दोन्हीमध्येही २०००पेक्षा जास्त चौकार मारले आहेत. सचिनने वनडे कारकिर्दीत ४६३ सामन्यात ४५२ डाव खेळत एकूण २०१६ चौकार मारले आहेत. तर, कसोटी कारकिर्दीत २०० सामन्यात ३२९ डाव खेळत २०५८ चौकार मारले आहेत.
विराटची आकडेवारी पाहायची झाली तर, त्याने आतापर्यंत वनडेत २४८ सामन्यात २३९ डाव खेळत १११६ चौकार मारले आहेत. तर, कसोटीत ८६ सामन्यात १४५ डाव खेळत ८११ चौकार मारले आहेत. त्यामुळे त्याला सचिनचा विक्रम मोडण्यासाठी वनडेत जवळपास ८००पेक्षा जास्त आणि कसोटीत १२००पेक्षा जास्त चौकारांची आवश्यकता आहे.
प्रत्येक कसोटी सामन्यात विरुद्ध संघाच्या मायदेशात ४०पेक्षा जास्त सरासरी
सचिनने त्याच्या कसोटी कारकिर्दीत जेवढ्या विरुद्ध संघाचे दौरे केले होते, तेवढ्या यजमान संघाच्या मैदानावर ४०पेक्षा जास्त सरासरीने धावा केल्या होत्या. तो असे करणारा जगातील एकमेव फलंदाज आहे.
सचिनची फलंदाजी सरासरी ऑस्ट्रेलियामध्ये ५३.२०, बांग्लादेशमध्ये १३६.६६, इंग्लंडमध्ये ५४.३१, पाकिस्तानमध्ये ४०.२५, दक्षिण आफ्रिकामध्ये ४६.४४, श्रीलंकामध्ये ६७.९४, वेस्ट इंडिजमध्ये ४७.६९, झिम्बाब्वेमध्ये ४० आणि भारतामध्ये ५२.६० इतकी होती. एकूण पाहिले तर, सचिनने कसोटीत ५३.७८च्या सरासरीने धावा केल्या होत्या. पण, परदेशातील मैदानावर त्याची सरासरी ५४.७४ इतकी होती.
विराटची फलंदाजी सरासरी पाहायची झाली. तर, त्याची फलंदाजी सरासरी ऑस्ट्रेलियामध्ये ५५.३९, बांग्लादेशमध्ये १४.००, इंग्लंडमध्ये ३६.३५, न्यूझीलंडमध्ये ३६.००, दक्षिण आफ्रिकामध्ये ५५.८०, श्रीलकामध्ये ४३.७७, वेस्ट इंडिजमध्ये ३५.६१ आणि भारतामध्ये ६८.४२ इतकी आहे.
पाकिस्तान, अफगानिस्तान, आयर्लंड आणि झिम्बाब्वेमध्ये त्याने एकही कसोटी सामना खेळलेला नाही. त्यामुळे या संघाच्या मैदानावरील विराटची फलंदाजी सरासरी जरी सोडली तरी इंग्लंड, वेस्ट इंडिज आणि न्यूझीलंडमधील मैदानावरही त्याला सचिन इतकी फलंदाजी सरासरी करणे कठीण आहे.
वनडे क्रिकेटमध्ये सर्वाधिक सामनावीर पुरस्कार
विराटला आतापर्यंत त्याच्या वनडे कारकिर्दीत ३६वेळा सामनावीर पुरस्कार मिळाला आहे. शिवाय वनडेत त्याच्या नावावर ९ मालिकावीर पुस्कारांचीही नोंद आहे. यासह तो वनडेत जगातील सर्वाधिक सामनावीर आणि मालिकावीर पुरस्कार मिळणाऱ्यांच्या यादीत तिसऱ्या क्रमांकावर आहे. या यादीत दुसऱ्या क्रमांकावर श्रीलंकेचा माजी अष्टपैलू क्रिकेटपटू सनथ जयसूर्या आहे. त्याला त्याच्या वनडे कारकिर्दीत ४८ सामनावीर आणि ११ मालिकावीर पुरस्कार मिळाले आहेत.
तर, सचिन या यादीत अव्वल क्रमांकावर आहे. त्याने वनडे कारकिर्दीत ६२वेळा सामनावीर पुरस्कार मिळवला होता. तर, १५वेळा मालिकावीर पुरस्कार मिळवला होता. त्यामुळे विराटला सचिनच्या सामनावीर पुरस्कारांचा विक्रम मोडण्यासाठी अजून ३६ सामनावीर पुरस्कार मिळवण्याची आवश्यकता आहे.
ट्रेंडिंग घडामोडी-
कर्णधार असताना विराट, धोनीने युवराजच्या पाठीत खंजीर खुपसला
प्रत्येक ९व्या चेंडूवर ‘हा’ खेळाडू टी२०मध्ये मारतो षटकार,…
अदृश्य होण्याची शक्ती मिळाली तर हा क्रिकेटपटू लाॅकडाऊनमध्ये येणार…