बुधवारी (8 मार्च) जगभरात अत्यंत आनंदात जागतिक महिला दिन साजरा केला जात आहे. महिला कर्तृत्वाचा गौरव करण्यासाठी हा विशेष दिवस आयोजित केला जातो. महिला दिनानिमित्त अनेक सेलिब्रिटींनी सोशल मीडियाच्या माध्यमातून देखील शुभेच्छा दिल्या आहेत. महान क्रिकेटपटू भारतरत्न सचिन तेंडुलकर याने देखील खास मराठीतून ट्विट करत महिला दिनाच्या शुभेच्छा दिल्या.
महिला दिनाचे औचित्य साधून सचिनने एक ट्विट केले. यामध्ये त्याने लिहिले,
आई, बहीण, बायको, मुलगी अशा रुपांत स्त्रीत्व साजरे करत सतत जिंकणाऱ्या स्त्रीचा सन्मान व्हायला हवा असे मला नेहमी वाटते.
तिचे आयुष्य किती भारी असते हे मी अनुभवले आहे.
३० जूनला तुम्हीही ते खात्रीने अनुभवू शकता “बाईपण भारी देवा” हा चित्रपट पाहताना…
१/२
— Sachin Tendulkar (@sachin_rt) March 8, 2023
‘आई, बहीण, बायको, मुलगी अशा रुपांत स्त्रीत्व साजरे करत सतत जिंकणाऱ्या स्त्रीचा सन्मान व्हायला हवा असे मला नेहमी वाटते. तिचे आयुष्य किती भारी असते हे मी अनुभवले आहे. 30 जूनला तुम्हीही ते खात्रीने अनुभवू शकता “बाईपण भारी देवा” हा चित्रपट पाहताना चित्रपटाच्या सहनिर्मात्यांपैकी एक, माझा मित्र अजित भुरे ह्यास खुप शुभेच्छा!’
आगामी काळात मराठी चित्रपट बाईपण भारी देवा लवकरच रुपेरी पडद्यावर येणार आहे. त्याच्याच प्रदर्शनाची तारीख सचिनने या ट्वीटमधून जाहीर केली. या चित्रपटात सहा बहिणींची गोष्ट सांगितली जाणार आहे. ज्या आपल्या दुर्दम्य इच्छाशक्तीच्या व मेहनतीच्या जोरावर आपआपल्या क्षेत्रात यशस्वी होतात.
नामवंत मराठी चित्रपट दिग्दर्शक केदार शिंदे या चित्रपटाचे दिग्दर्शन करतील. तर सिनेमात रोहिणी हट्टंगडी, वंदना गुप्ते, सुकन्या मोने, शिल्पा नवलकर, सुचित्रा बांदेकर व दीपा परब अशा मराठीतील नामवंत अभिनेत्री अभिनय करताना दिसणार आहेत.
(Sachin Tendulkar Wishing On Womens Day Tweeting In Marathi)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
होळीच्या रंगात रंगणे एलिस पेरीला पडले महागात; केसांचा रंग बदलताच म्हणाली, ‘मी केस दोन वेळा…’
‘बाबा, तुम्ही चांगलं केलंय…’, सर विवियन रिचर्ड्स यांच्या वाढदिवशी लेक मसाबाची पोस्ट तुफान व्हायरल
