दोन आठवडे दारूच्या थेंबालाही नव्हतं शिवलं; शेन वॉर्नच्या निधनानंतर मॅनेजरचा दावा

त्याने असे म्हटले आहे की, वॉर्न जास्त दारू पिणारा व्यक्ती नव्हता. थाईलँडच्या व्हिलामध्ये जिथे त्याचा मृत्यू झाला, तिथे वॉर्नने दारूचे अजिबात सेवन केले नव्हते. याउलट तो डायटिंगवर (Shane Warne Was On Diet) होता, कारण त्याला त्याचे वजन कमी करत फिट व्हायचे होते. (Shane Warne’s manager throws light on legend’s ‘ridiculous’ diet plans leading to his death)

वॉर्नला ज्या हॉस्पिटलमध्ये नेते गेले होते, त्या हॉस्पिटल्या संचालकांनी सांगितले आहे की, वॉर्न हॉस्पिटलमध्ये पोहोचण्यापूर्वीच त्याचे निधन झाले होते. थाई इंटरनॅशनल हॉस्पिटलचे वैद्यकीय संचालक दुल्याकित विट्टायाचनायपोंगने सांगितले की, “वॉर्नला ४५ मिनिटे सीपीआर देण्यात आला होता. त्यावेळी ड्यूटीवर असलेल्या डॉक्टरांनी असा निष्कर्ष काढला आहे की, रुग्णाचा हॉस्पिटलमध्ये पोहोचण्याआधी मृत्यू झाला होता.”

यानंतर दारू आणि इतर व्यसनांमुळे वॉर्नला हृदयविकाराचा झटका आला आणि त्याचा आकस्मिक मृत्यू झाला, असे म्हटले जात आहे. परंतु त्याचा व्यवस्थापक जेम्स एर्स्किनने या अफवांना खोटे असल्याचे सांगितले आहे.

एका ऑस्ट्रेलियन वृत्तपत्राशी बोलताना वॉर्नचा व्यवस्थापक म्हणाला की, “तो सुट्टीवर होता. आराम करत होता. परंतु यादरम्यान तो दारू पित नव्हता. कारण त्याला त्याचे वजन कमी करायचे होते, त्यामुळे तो डाइटिंगवर होता. मृत्यूच्या काही तासांपूर्वीच त्याचे १४ दिवसांचे डायट पूर्ण झाले होते. त्याला जास्त दारू पिण्याची सवय नव्हती. सर्वांना वाटते की, त्याला व्यसनाची खूप सवय होती. परंतु तो मुळात असा नव्हताच. मी त्याला एकदा एक दारूची बॉटल गिफ्ट केली होती. त्या गोष्टीला १० वर्षे उलटून गेली आहेत आणि अजूनही ती बॉटल तशीच त्याच्या घरी आहे.”

हेही वाचा- जेव्हा आयपीएलमध्ये शेन वॉर्नच्या गोलंदाजीवर ‘किंग खान’ने ठोकलेला चौकार; गावसकरांचा होता बाऊंड्रीचा इशारा