मुंबई इंडियन्सनंतर इंग्लंड संघाला मोठा झटका, महत्वाचा गोलंदाज दीर्घ कालावधीसाठी क्रिकेटपासून दूर

इंग्लंडचा दिग्गज जोफ्रा आर्चर सध्या दुखापतग्रस्त असल्यामुळे क्रिकेटच्या मैदानापासून लांब आहे. त्याच्या दुखापतीचे सत्र थांबण्याचे नाव घेत नाहीये. आर्चरला आता नवीन दुखापत उद्भवली आहे. आता त्याच्या पाठीच्या खालच्या भागात ताण आला आहे. याच कारणास्तव तो इंग्लंड क्रिकेट संघाच्या आगामी मालिकेतून बाहेर झाला आहे.

जोफ्रा आर्चर (Jofra Archer) याची दुखापत इंग्लंड क्रिकेट संघासाठी मोठा झटका मानली जात आहे. पुढच्या महिन्यात इंग्लंड आणि न्यूझीलंड यांच्यात कसोटी मालिका खेळली जाणार आहे. इंग्लंड आणि वेल्स क्रिकेट बोर्ड आर्चरच्या या नवीन दुखापतीविषयी माहिती दिली आहे. बोर्डाने आर्चर आगामी हंगामात सहभाग घेणार नाही, याविषयी पुष्टी केली आहे. आयपीएल फ्रँचायझी मुंबई इंडियन्सने देखील चालू हंगामात आर्चरला खरेदी केली होते, पण दुखापतीमुळे तो संघासोबत सहभागी होऊ शकला नाही.

ईसीबीने सांगितेल्याप्रमाणे, वेगवान गोलंदाज जोफ्रा आर्चरच्या पुनरागमनाची वेळ निश्चित नाहीये. बोर्ड याबाबतीत एखाद्या तज्ञाकडून सल्ला हघेणार आहे. त्यांनी सांगितल्याप्रामाणे पाठीच्या खालच्या भाग ताणला गेल्यामुळे आर्चर इंग्लंड आणि ससेक्स संघाच्या आगामी मालिकांमधून माघार घेत आहे. तो कधी पुनरागमन करेल, याविषयी सध्या काहीच सांगता येणार नाहीये.