भारताचा युवा स्टार फलंदाज शुबमन गिल (Shubman Gill) फेब्रुवारीच्या ‘आयसीसी प्लेअर ऑफ द मंथ’च्या शर्यतीत आघाडीवर आहे. या शर्यतीत ऑस्ट्रेलियाचा स्टीव्ह स्मिथ आणि न्यूझीलंडचा ग्लेन फिलिप्स यांचाही समावेश आहे. आंतरराष्ट्रीय क्रिकेट परिषदेने (ICC) शुक्रवारी फेब्रुवारी महिन्यासाठी आयसीसी पुरुष आणि महिला सर्वोत्तम खेळाडू पुरस्कारांसाठी नामांकित खेळाडूंची घोषणा केली. (ICC Player Of The Month)
चॅम्पियन्स ट्रॉफी स्पर्धेपूर्वी इंग्लंडविरुद्ध भारताच्या निर्णायक मालिका विजयात त्याच्या प्रभावी कामगिरीने गिलने प्रसिद्धीझोतात स्थान मिळवले. बांगलादेशविरुद्ध भारताच्या पहिल्या विजयापूर्वी एकदिवसीय फलंदाजांच्या क्रमवारीत अव्वल स्थानासाठी त्याला आघाडीचा दावेदार मानले जात होते. गिलने फेब्रुवारीमध्ये पाच एकदिवसीय सामन्यांमध्ये 101. 50 च्या सरासरीने आणि 94.19 च्या स्ट्राईक रेटने 406 धावा केल्या. (Shubman Gill Performance in February 2025)
यानंतर, गिलने चॅम्पियन्स ट्रॉफीमध्ये बांगलादेशविरुद्ध नाबाद 101 धावा केल्या, पाकिस्तानविरुद्ध 46 धावांची महत्त्वाची खेळी केली. गिल व्यतिरिक्त ऑस्ट्रेलियाचा स्टार फलंदाज स्टीव्ह स्मिथ आणि न्यूझीलंडचा स्टार अष्टपैलू ग्लेन फिलिप्स हे या पुरस्काराचे दावेदार आहेत. (IND vs BAN Champions Trophy 2025)
शुबमन गिलची सातत्यपूर्ण कामगिरी त्याला वनडे फलंदाजांच्या क्रमवारीत अव्वल स्थानासाठी प्रबळ दावेदार बनवत आहे. त्याच्या शैलीदार आणि आक्रमक फलंदाजीने तो क्रिकेट रसिकांचे मन जिंकत आहे. दुसरीकडे, स्टीव्ह स्मिथने कसोटी आणि वनडे क्रिकेटमध्ये आपली उपयुक्तता सिद्ध केली आहे, तर ग्लेन फिलिप्सनेही अष्टपैलू खेळाने न्यूझीलंडसाठी महत्त्वपूर्ण योगदान दिले आहे. आयसीसीचा हा पुरस्कार कोण जिंकतो हे पाहणे उत्सुकतेचे ठरेल.
आयसीसी चॅम्पियन्स ट्राॅफीचा अंतिम सामना उद्या म्हणजेच 09 मार्च रोजी भारत आणि न्यूझीलंड यांच्यात खेळवला जाणार आहे. हा सामना दुपारी 2.30 वाजल्यापासून खेळला जाईल. या सामन्याकडे अख्या जगाचे लक्ष आहे.
हेही वाचा-
IND vs NZ Final: फायनलमध्ये विराट कोहली रचणार इतिहास! ‘हे’ 4 मोठे विक्रम करण्याची संधी
IND vs NZ Final: नव्या खेळपट्टीवर नाही खेळला जाणार फायनल सामना! भारताला होणार मोठा फायदा?
IND vs NZ Final: न्यूझीलंडने दिलेल्या ‘या’ 3 जखमांचा बदला घेण्याची भारतीय संघाला संधी!
