क्रिकेट संघ कोणताही असो, बहुतेक वेळा असे घडते की, कोणत्याही कसोटी सामन्यात, वेगवान गोलंदाजांना सीमारेषेभोवती क्षेत्ररक्षणासाठी तैनात केले जाते. काहीवेळा त्यांना पॉइंट, गली किंवा मिडविकेट सारख्या पोझिशनवर 30-यार्ड वर्तुळात क्षेत्ररक्षण करण्याची संधी मिळते. परंतु, वेगवान गोलंदाज स्लिपमध्ये क्षेत्ररक्षण करताना दिसणे दुर्मिळ आहे. न्यूझीलंडचा वेगवान गोलंदाज टीम साऊदी त्या गोलंदाजांपैकी एक आहे, जो स्लिपमध्ये क्षेत्ररक्षण करत असतो. त्याने श्रीलंकेविरुद्धच्या गाले कसोटीत आश्चर्यकारक झेल घेऊन दाखवून दिले की, आपणही एक उत्कृष्ट स्लिप क्षेत्ररक्षक आहे.
श्रीलंका आणि न्यूझीलंड यांच्यात गाले येथे खेळल्या जात असलेल्या पहिल्या कसोटी सामन्याच्या तिसऱ्या दिवशी त्याने हा अप्रतिम झेल टिपला. पहिल्या डावात न्यूझीलंडला सर्वबाद केल्यानंतर श्रीलंकेचा संघ दुसऱ्या डावात फलंदाजीसाठी उतरला. डावाचे तिसरेच षटक होते, जेव्हा युवा वेगवान गोलंदाज विल ओ’रुर्कने पुन्हा एकदा श्रीलंकन फलंदाजांना अडचणीत आणले. सलामीवीर पथुम निसांकाने त्याच्या षटकातील पाचव्या चेंडूवर फटका खेळण्याचा प्रयत्न केला. मात्र, अतिशय वेगवान असलेल्या या चेंडूने बॅटची कड घेतली आणि चेंडू चौथ्या स्लिपकडे गेला.
चौथ्या स्लिपमध्ये एखादा क्षेत्ररक्षक असता तर त्याने हा झेल सहज घेतला असता. मात्र, तेथे क्षेत्ररक्षक नव्हता. अशा स्थितीत हा झेल घेता येईल, अशी अपेक्षा क्वचितच कुणाला वाटली असेल. मात्र, त्यासाठी साऊदीने स्वतःला तैनात केले जाते. तिसऱ्या स्लिपवर असलेल्या न्यूझीलंडच्या कर्णधाराने उजवीकडे हवेत झेप घेतली. जबरदस्त डाइव्ह करत त्याने एका हाताने झेल घेतला. साऊदीचे टायमिंग इतके जबरदस्त होते की, वेगाने जाणारा चेंडूही त्याच्या हातात आला आणि निसांका बाद झाला. या झेलने सर्वांचीच मने जिंकली.
श्रीलंकेला 305 धावांत गुंडाळल्यानंतर न्यूझीलंडने पहिल्या डावात 340 धावा केल्या आणि 35 धावांची आघाडी घेतली आहे. सामन्यातील अजून दोन दिवस बाकी असल्याने, हा सामना रंगतदार होऊ शकतो.
महत्त्वाच्या बातम्या-
IND vs BAN: एकाच दिवशी पडल्या 17 विकेट्स, 1979 नंतर चेपॉकवर पहिल्यांदाच असं घडलं
IND vs BAN: 17 धावांवर बाद होऊनही कोहलीने रचला इतिहास!
‘चुकीच्या फॉर्मेटमधून निवृत्ती घेतली’, बांगलादेशविरुद्ध फ्लॉप ठरलेल्या रोहितला चाहत्यांचा सल्ला
