‘मला नाही माहिती, त्याच्या डोक्यात काय सुरुये’, खराब फॉर्ममध्ये असलेल्या विराटवर भडकला ‘दादा?’

भारतीय संघाचा माजी कर्णधार विराट कोहली सध्या त्याच्या कारकीर्दीतील सर्वात वाईट काळातून जात आहे. त्याला नोव्हेंबर २०१९मधील दिवस-रात्र कसोटी सामन्यात झळकावलेल्या शतकानंतर आतापर्यंत एकही शतक करता आलेले नाहीये. तो सतत खराब कामगिरी करत आहे. आता विराटची अशीच काहीशी तऱ्हा आयपीएल २०२२मध्येही पाहायला मिळत आहे. विराटच्या या खराब कामगिरीवर आजी-माजी दिग्गज खेळाडू प्रश्न उपस्थित करत आहेत. अशातच आता त्याच्या फॉर्मबद्दल बीसीसीआय अध्यक्ष सौरव गांगुलीने मौन सोडले आहे.

विराट कोहलीने (Virat Kohli) आतापर्यंत खेळलेल्या ९ सामन्यात फक्त १२८ धावा केल्या आहेत. आतापर्यंतची त्याची ही आयपीएलमधील सर्वात खराब कामगिरी आहे. आयपीएलमध्ये सर्वाधिक धावा करणारा विराट या हंगामात ३ सामन्यात २ वेळा शून्य धावांवर तंबूत परतला. युवा फलंदाजांसाठी प्रेरणा असलेला विराटला या परिस्थितीत पाहून त्याचे चाहते खुश नाहीयेत. इतकेच काय, तर अनेक खेळाडूंनी विराटच्या या फॉर्मवर निराशा व्यक्त केलीये. भारतीय संघाचे माजी मुख्य प्रशिक्षक रवी शास्त्री यांनीही त्याला आयपीएलमधून बाहेर पडण्याचा सल्ला दिला आहे. दुसरीकडे आता भारतीय संघाचा माजी कर्णधार आणि सध्याचा बीसीसीआय अध्यक्ष सौरव गांगुलीने विराटबद्दल महत्त्वाची प्रतिक्रिया दिली आहे.