खरी ठरली ‘या’ २ भारतीय दिग्गजांची भविष्यवाणी, जडेजानेच सीएसकेत घेतली कर्णधार धोनीची जागा

गावसकर यांनी म्हटले होते की, “एक खेळाडू म्हणून जडेजा मागील काही काळात चांगली सुधारणा करत आहे. त्याच्या खेळाचा विचार केला तर, तो ज्या पद्धतीने आपला खेळ बदलतो आणि सामना समजून घेतो, ते खुप शानदार आहे. जर एखाद्या सामन्यात धोनीने विश्रांती घेण्याचा निर्णय घेतला, तर जडेजाला संघाचा कर्णधार केले जाऊ शकते, यामध्ये मला काहीही वाटणार नाही. ”

तसेच रवी शास्री यांनी सांगितले की, आयपीएलमधून भारताला नवा कर्णधार मिळेल. ते म्हणाले की, “विराट आता कर्णधार नाही, परंतु एकदिवसीय आणि टी२०मध्ये रोहितची कामगिरी शानदार होती. आता भारतीय संघ हे बघेल की भारताचा भविष्यातील कर्णधार कोण असेल?. कर्णधार म्हणून आता श्रेयस अय्यर, रिषभ पंत आणि केएल राहूल हे खेळाडू दिसू शकतात. भारतीय संघ आता एका चांगल्या कर्णधाराचा शोध घेईल. या आयपीएलमध्ये या सर्व खेळाडूंना संधी असणार आहे.” सीएसके संघाचा पहिला सामना २६ मार्चला केकेआरविरुद्ध खेळला जाणार आहे.