नंबर वन यारी! रिषभला भेटण्यासाठी पोहोचले भारतीय दिग्गज, म्हणाले, ‘फिनिक्स पक्षासारखी भरारी घे’

काही दिवसांपूर्वीच भारतीय संघाने बॉर्डर-गावसकर ट्रॉफी आपल्याकडेच राखण्यात यश मिळवले होते. 4 सामन्यांच्या कसोटी मालिकेत भारतीय संघाने ऑस्ट्रेलिया संघाला 2-1ने धूळ चारली. या मालिकेत भारतीय क्रिकेटप्रेमींनी संघाचा विस्फोटक यष्टीरक्षक फलंदाज रिषभ पंत याची खूपच आठवण काढली. मागील वर्षी डिसेंबरच्या अखेरीस रुडकी येथे जाताना रिषभ पंत कार अपघातात गंभीर जखमी झाला होता. तेव्हापासून तो उपचार घेत आहे. तसेच, तो क्रिकेटपासूनही दूर आहे. अशात भारतीय संघाचा माजी दिग्गज क्रिकेटपटूंनी नुकतीच पंतची भेट घेतली. यादरम्यानचा फोटोही मीडिया अकाऊंटवर शेअर करण्यात आले आहेत.

https://www.instagram.com/p/CqOPLY1PC06/?igshid=YmMyMTA2M2Y=

रिषभ पंत (Rishabh Pant) याच्या पुनरागमनाची कोणतीही माहिती अद्याप समोर आली नाहीये. मात्र, तो सोशल मीडियाद्वारे त्याच्या तब्येतीविषयीची माहिती चाहत्यांना देत असतो. क्रिकेट जगतात प्रत्येक खेळाडू आणि चाहते त्याच्या पुनरागमनाची आतुरतेने वाट पाहत आहेत. त्याचवेळी भारतीय संघाचे माजी क्रिकेटपटू हरभजन सिंग, श्रीसंत व सुरेश रैना यांनी त्याची भेट घेतली. रैनाने या भेटीचा फोटो सोशल मीडियावर शेअर केला आहे.

या फोटोला कॅप्शन देताना त्याने लिहिले,

‘बंधुत्व हेच सर्वकाही आहे. कुटुंब हे आपल्या हृदयात असते. तू लवकर बरा व्हावा अशी आम्ही प्रार्थना करतो. तू विश्वास ठेव. आम्ही नेहमी तुझ्यासोबत आहोत. तू फिनिक्स पक्षासारखी भरारी घेशील.’

रिषभ याच्या प्रकृतीत हळूहळू सुधारणा होत आहे. त्यामुळे त्याचे अनेक मित्र व सहकारी त्याची भेट घेताना दिसत आहेत. यापूर्वी युवराज सिंग याने देखील त्याची भेट घेतलेली‌. तसेच गायक गुरु रंधावा हा देखील रिषभला भेटून गेला आहे. ‌‌‌‌

(Suresh Raina Harbhajan Singh And Sreesanth Meet Rishabh Pant Photos Goes Viral)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
शेवटी कळलंच! विराट कोहली वापरतो ‘या’ कंपनीचा मोबाईल, किंमत लाखोंच्या घरात
मुंबईच्या वाघाचे ‘ऐका दाजीबा’ गाण्यावर मराठमोळ्या अंदाजात स्वागत; नेटकरीही म्हणाले, ‘एकच छावा’