मुंबईच्या वानखेडे स्टेडियमवर बुधवारी (२१ एप्रिल) चेन्नई सुपर किंग्स ( सीएसके) विरुद्ध कोलकाता नाईट रायडर्स ( केकेआर) यांच्या दरम्यान आयपीएल २०२१ मधील १५ वा सामना खेळला गेला. अत्यंत रोमहर्षक झालेल्या सामन्यात सीएसकेने केकेआरला १८ धावांनी पराभूत करत सलग तिसरा विजय मिळविला. त्याच वेळी, हा सामना सुरू होण्यापूर्वी चेन्नईचा प्रमुख फलंदाज सुरेश रैना व केकेआरचा अनुभवी कसोटीपटू हरभजन सिंग यांच्यातील एका भावनिक क्षणाचा व्हिडीओ सोशल मीडियावर चांगलाच शेअर केला जात आहे.
सामन्यापूर्वी घडली ही गोष्ट
चेन्नई आणि केकेआर यांच्यातील सामना सुरू होण्यापूर्वीचा एक व्हिडीओ सोशल मीडियावर व्हायरल होत आहे. या व्हिडिओमध्ये सुरेश रैना चक्क हरभजन सिंगच्या पाया पडताना दिसतोय. सामना सुरू होण्याच्या आधी सराव सत्रात सहभागी होण्यासाठी रैना मैदानात उतरत असताना त्याला हरभजन सिंग इतर खेळाडू अशी चर्चा करत असलेला दिसतो. ते पाहून रैना पुढे येत हरभजन सिंगचे पाय धरण्याचा प्रयत्न करतो. मात्र, हरभजन त्याला त्यापासून रोखू पाहतो परंतु रैना शेवटी त्याचे पाय धरतोच, असे व्हिडिओमध्ये दिसत आहे. त्यानंतर रैना व हरभजन एकमेकांना मिठी मारताना या व्हिडिओमध्ये दिसत आहेत.
https://twitter.com/sportzhustle/status/1384868204816723976?s=19
संघ सहकारी राहिले आहेत रैना-हरभजन
सुरेश रैना आणि हरभजन सिंग हे दोघे ही भारतासाठी अनेक वर्षे एकत्र खेळले आहेत. भारतीय संघाने जिंकलेल्या २०११ क्रिकेट विश्वचषकात दोघांनी महत्त्वपूर्ण भूमिका पार पाडलेली. त्यानंतर, २०१८ व २०१९ अशी दोन वर्षे ते चेन्नई सुपर किंग्सचा भाग होते. चेन्नई संघ व्यवस्थापनाने या हंगामासाठी हरभजनला संघात कायम केले नाही. त्यानंतर लिलावात केकेआरने त्याच्यावर बोली लावली.
चेन्नईची अव्वलस्थानी झेप
सलामीवीर ऋतुराज गायकवाडच्या ६४ आणि फाफ डू प्लेसीसच्या नाबाद ९५ धावांच्या जोरावर चेन्नईने २० षटकात २२० अशी मोठी धावसंख्या उभारली. प्रत्युत्तरात, वेगवान गोलंदाज दीपक चाहरने पहिल्या ५ षटकात ४ बळी मिळवून केकेआरची अवस्था पाच बाद ३१ अशी केली होती. मात्र, त्यानंतर आंद्रे रसेलने २२ चेंडूत ५४ आणि पॅट कमिन्सने ३४ चेंडूत नाबाद ६६ धावा बनवून सामना रंगतदार बनविला. मात्र, तो संघाला विजयी करू शकला नाही. या विजयासस सीएसके गुणतालिकेत अव्वलस्थानी पोहोचला.
महत्वाच्या बातम्या:
रोहित-धोनीनंतर आता मॉर्गनवर देखील होणार कारवाई, हे आहे कारण
पॅट कमिन्सने सॅम करनला एकाच षटकात ठोकल्या ३० धावा, गेल-रैना-कोहली यांच्या पंक्तीत मिळवले स्थान
ऑरेंज कॅप आणि पर्पल कॅपच्या शर्यतीत भारतीय खेळाडू आघाडीवर, पाहा कोणाचा आहे टॉप ५ मध्ये समावेश
