मैदानावर क्रिकेटपटू जेवढे आक्रमक आणि मजेशीर अंदाजात असतात, त्यांचा तेवढाच मजेशीरपणा मैदानाबाहेरही पाहायला मिळतो. भारतीय क्रिकेटपटू सोशल मीडियावर तुफान सक्रिय असतात. सध्या इंडियन प्रीमिअर लीग 2023 स्पर्धा अखेरच्या टप्प्यात पोहोचली आहे. साखळी फेरीचा अखेरचा सामना रविवारी (दि. 21 मे) रॉयल चॅलेंजर्स बेंगलोर वि. गुजरात टायटन्स संघात खेळला गेला. या सामन्यात गुजरातने आरसीबीचा 6 विकेट्सने पराभव केला. यामुळे मुंबई इंडियन्स संघ प्ले-ऑफमध्ये पोहोचला. यासह मुंबई प्ले-ऑफमध्ये पोहोचणारा चौथा संघ बनला. यानंतर मुंबईच्या खेळाडूंचा एक व्हिडिओ समोर आला आहे, ज्यात ते मस्तीच्या मूडमध्ये दिसत आहेत.
या व्हिडिओत मुंबई इंडियन्स (Mumbai Indians) संघाचा कर्णधार रोहित शर्मा (Rohit Sharma) आणि सूर्यकुमार यादव (Suryakumar Yadav) गाण्याचा प्रयत्न करताना दिसत आहेत. ते गाणे इतर कोणते नसून कैलाश खेर (Kailash Kher) यांनी गायलेले ‘सैंया’ (Saiyaan) हे गाणे आहे. व्हायरल होत असलेल्या व्हिडिओत नेहाल वढेरा याच्यासह इतर काही सपोर्ट स्टाफमधील काही लोकही दिसत आहेत. हे सर्वजण एकापोठापाठ एक गाणे गाण्याचा प्रयत्न करत आहेत.
हा व्हिडिओ रोहित शर्मा याने त्याच्या अधिकृत इंस्टाग्राम अकाऊंटवर शेअर केला आहे. हा व्हिडिओ शेअर करत रोहितने कॅप्शनमध्ये लिहिले आहे की, “तुम्ही मुंबई येऊ शकत नाहीत.”
https://www.instagram.com/reel/CsjIpW8ua3l/
खरं तर, इंडियन आयडलच्या सुरुवातीला जेव्हा गायकांची निवड होत नव्हती, तेव्हा परीक्षक असेच म्हणायचे की, ‘तुम्ही मुंबईला येऊ शकत नाहीत.’
या व्हिडिओत रोहितपूर्वी नेहाल वढेरा गातो. त्यानंतर सूर्यकुमार यादव आणि रोहित शर्माही गातात. मात्र, जसे संघाचे स्टाफ गाऊ लागतात, तेव्हा सर्वजण जोरजोरात हसू लागतात. रोहित बसल्या बसल्या इतका हसतो की, सोफ्यावरून खाली पडतो. या व्हिडिओला आतापर्यंत 43 लाखांहून अधिक व्ह्यूज मिळाले आहेत. तसेच, 10 लाखांहून अधिक लाईक्स मिळाले आहेत. तसेच, 10 हजारांहून अधिक कमेंट्सही मिळाल्या आहेत.
या व्हिडिओवर एकाने कमेंट करत लिहिले की, “तू कोणत्या लाईनमध्ये आलास.” दुसऱ्या एकाने लिहिले की, “हे नेहा कक्करच्या कारकीर्दीपेक्षा खूप चांगले आहे.” आणखी एकाने लिहिले की, “खूपच मनोरंजक.”
एलिमिनेटर सामन्यात लखनऊचे आव्हान
मुंबई इंडियन्स संघ आयपीएल 2023 स्पर्धेतील एलिमिनेटर सामन्यात लखनऊ सुपर जायंट्स संघाविरुद्ध भिडणार आहे. हा सामना 24 मे रोजी चेन्नईच्या एमए चिदंबरम स्टेडिअमवर खेळला जाणार आहे. (surya kumar yadav rohit sharma funny video with mumbai indians players see video here)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
‘लोकांना वाटतंय माझा टी20चा स्तर…’, सतत ट्रोल करणाऱ्यांना विराटने एकदाच दिले उत्तर
‘आता वेळ आलीये, विराटने RCB सोडून…’, पीटरसनचा कोहलीला ‘या’ संघाकडून खेळण्याचा सल्ला
सचिनकडून कौतुक होताच मॅचविनर गिलने शेअर केला शर्टलेस फोटो, 3 तासात पडला 1 मिलियन लाईक्सचा पाऊस
