इंडियन प्रीमिअर लीग 2023 स्पर्धा सोमवारी (दि. 29 मे) संपुष्टात आला. 2021नंतर पुन्हा एकदा चेन्नई सुपर किंग्स संघाने आयपीएल ट्रॉफीवर आपले नाव कोरले. गुजरात टायटन्स संघाला 5 विकेट्सने पराभूत करत एमएस धोनी याच्या चेन्नईने पाचव्यांदा आयपीएलचा किताब नावावर केला. या सामन्याचा आनंद जगभरातील प्रेक्षकांनी घेतला. यामध्ये जागतिक कसोटी अजिंक्यपद स्पर्धेच्या अंतिम सामन्यासाठी लंडनमध्ये पोहोचलेल्या भारतीय संघाचाही समावेश होता. भारतीय खेळाडूंनी आयपीएल 2023 अंतिम सामना पाहण्याचा आनंंद लुटला. बीसीसीआयने खेळाडूंचे काही फोटो सोशल मीडियावर शेअर केले आहेत. यामध्ये मुख्य प्रशिक्षक राहुल द्रविड याच्यासह इतर खेळाडू बसमध्ये बसून अंतिम सामना पाहताना दिसत आहेत.
खरं तर, आयपीएल 2023 (IPL 2023) हंगामाच्या अंतिम सामन्यात गुजरात टायटन्स वि. चेन्नई सुपर किंग्स संघ आमने-सामने होते. त्यामुळे स्पर्धेबाहेर पडलेल्या इतर संघांचे खेळाडू आधीच डब्ल्यूटीसी (WTC) अंंतिम सामन्यासाठी लंडनला पोहोचले आहेत. तसेच, त्यांनी तिथे सरावालाही सुरुवात केली आहे.
अशातच सोमवारी भारतीय संघाच्या खेळाडूंनी जेव्हा आपले सराव सत्र पूर्ण केले आणि संघ बसमध्ये बसून हॉटेलला परतत होता. त्यावेळी मोहम्मद सिराज (Mohammed Siraj), अक्षर पटेल (Axar Patel), शार्दुल ठाकूर (Shardul Thakur) आणि प्रशिक्षक राहुल द्रविड (Rahul Dravid) हे बसमधील टीव्हीवर आयपीएल 2023 अंतिम (IPL 2023 Final) सामन्याचा आनंद लुटताना दिसले.
Training ✅
Now showing????: @IPL | #TATAIPL pic.twitter.com/ZasxBxxBgT— BCCI (@BCCI) May 29, 2023
मात्र, मोहम्मद शमी, शुबमन गिल, रवींद्र जडेजा आणि अजिंक्य रहाणे हे आयपीएल अंतिम सामना झाल्यानंतर काही दिवसांमध्ये भारतीय संघाशी जोडले जातील.
अंतिम सामन्याविषयी थोडक्यात
या सामन्यात चेन्नईने नाणेफेक जिंकली होती. यावेळी धोनीने नाणेफेक जिंकत गोलंदाजीचा निर्णय घेतला. तसेच, गुजरातला फलंदाजीसाठी पाचारण केले. यावेळी गुजरातने प्रथम फलंदाजी करताना 20 षटकात 4 विकेट्स गमावत 214 धावा चोपल्या. मात्र, पावसाने चेन्नईच्या डावाच्या सुरुवातीलाच व्यत्यय आणला. त्यामुळे डकवर्थ लुईस नियमानुसार चेन्नईला 15 षटकात 171 धावांचे आव्हान मिळाले. हे आव्हान चेन्नईने अखेरच्या चेंडूवर चौकार मारत पूर्ण केले आणि दणदणीत विजय मिळवला. (team india players after wtc final practice watching ipl 2023 final match in bus bcci shared photo)
डब्ल्यूटीसी अंतिम सामन्यासाठी भारतीय संघाचे 15 आणि राखीव खेळाडू
भारतीय टीम
रोहित शर्मा (कर्णधार), शुबमन गिल, चेतेश्वर पुजारा, विराट कोहली, अजिंक्य रहाणे, केएस भरत (यष्टीरक्षक), आर अश्विन, रवींद्र जडेजा, अक्षर पटेल, शार्दुल ठाकुर, मोहम्मद शमी, मोहम्मद सिराज, उमेश यादव, जयदेव उनादकट, ईशान किशन.
राखीव खेळाडू
यशस्वी जयसवाल, मुकेश कुमार, सूर्यकुमार यादव.
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
‘अखेरच्या षटकात मी स्वत:ला…’, विजयी शॉट मारल्यानंतर भावूक झाला जडेजा; धोनीबाबत मन जिंकणारे वक्तव्य
‘एकच वादा धोनी दादा, गुजरातला घरात घुसून…’, धोनीच्या CSKने ट्रॉफी जिंकताच केदार जाधव भलताच खुश