India vs England Oval Test: भारत आणि इंग्लंड यांच्यातील कसोटी मालिकेचा शेवटचा सामना लंडनच्या केनिंग्टन ओव्हल मैदानावर खेळला जाईल. मँचेस्टरमध्ये खेळला गेलेला चौथा कसोटी सामना अनिर्णित राहिला होता. सामना ड्रॉ होऊनही भारतीय संघ मालिकेत 1-2 ने पिछाडीवर आहे. त्यामुळे भारतीय संघ पुढील सामना जिंकून मालिका बरोबरीत संपवू इच्छितो. याच पार्श्वभूमीवर, आपण जाणून घेऊयात की, या मैदानावर कोणत्या भारतीय गोलंदाजाने कसोटीत सर्वाधिक विकेट्स घेतल्या आहेत. (Most Test wickets Oval India)
केनिंग्टन ओव्हलमध्ये कसोटीत सर्वाधिक विकेट्स घेण्याचा रेकाॅर्ड रवींद्र जडेजाच्या नावावर आहे. जडेजाने या मैदानावर आतापर्यंत 3 सामने खेळले असून, त्याच्या नावावर 15 विकेट्सची नोंद आहे. तर भारताच्या सध्याच्या संघात असलेल्या वेगवान गोलंदाज जसप्रीत बुमराह आणि मोहम्मद सिराजने मिळून येथे 13 विकेट्स घेतल्या आहेत. (Ravindra Jadeja Oval record) बुमराहने या मैदानावर 2 सामने खेळले असून, त्याने 7 विकेट्स मिळवले आहेत. (Jasprit Bumrah Oval wickets) तर सिराजने याच मैदानावर तितक्याच सामन्यांमध्ये 6 विकेट्स घेतल्या आहेत. (Mohammed Siraj Oval)
ओव्हलमधील रवींद्र जडेजाच्या रेकॉर्डबद्दल बोलायचे झाल्यास, त्याने या मैदानावर 3 सामन्यांतील 6 डावांमध्ये 30.53च्या सरासरीने 15 विकेट्स मिळवले आहेत. येथे कसोटी सामन्याच्या एका डावात त्याची सर्वोत्तम कामगिरी 79 धावा देऊन 4 विकेट्स आहे. त्याने 2.77च्या इकॉनॉमी रेटने धावा खर्च केल्या आहेत. जडेजाच्या नंतर या मैदानावर सर्वाधिक विकेट्स घेणारा दुसरा भारतीय गोलंदाज कपिल देव आहे. त्याने या मैदानावर 3 सामन्यांमध्ये 10 विकेट्स घेतल्या होत्या. त्यांच्या नंतर भगवत चंद्रशेखर, इशांत शर्मा, एस श्रीसंत, एस वेंकटराघवन आणि उमेश यादव यांची नावे आहेत. या सर्व गोलंदाजांनी येथे प्रत्येकी 8 विकेट्स घेतल्या आहेत.
ओव्हलच्या मैदानावर सर्वाधिक कसोटी विकेट्स घेणारे भारतीय गोलंदाज (Most Test wickets Oval India)
रवींद्र जडेजा: 15 विकेट्स (3 सामने)
कपिल देव: 10 विकेट्स (3 सामने)
भगवत चंद्रशेखर: 8 विकेट्स (1 सामना)
इशांत शर्मा: 8 विकेट्स (3 सामने)
एस श्रीसंत: 8 विकेट्स (2 सामने)
एस वेंकटराघवन: 8 विकेट्स (2 सामने)
उमेश यादव: 8 विकेट्स (2 सामने)
