तो स्क्रिनशाॅट पाहिल्यावर नक्की काय करावे सुचत नव्हते- राशिद खान

मास्टर ब्लास्टर सचिन तेंडुलकने २५मे रोजी राशिद खानला खास ट्विट करुन तो जगातील सर्वोत्तम टी२० गोलंदाज असल्याचे म्हटले होते. याच ट्विटवर रिप्लाय करायला मी जवळपास दोन तास वेळ घेतल्याचे राशिद खान म्हणाला आहे.

क्वाॅलिफायर२ मध्ये कोलकाता नाईट रायडर्स विरुद्ध सनरायझर्स हैद्रबाद सामन्यानंतर राशिद खानच कौतुक करणारा ट्विट सचिनने केला होता. यावेळी तो बसमधुन हाॅटेलला जात होता.

“मला माझ्या मित्राने सचिनच्या ट्विटचा स्क्रिनशाॅट पाठवला. तेव्हा मी बसमध्ये होतो. मी आश्चर्यचकित झालो. मी जवळपास १-२ तास विचार केला की नक्की काय रिप्लाय करु.मला काय लिहावे कळत नव्हते. शेवटी मी रिप्लाय केला.” असे राशिद म्हणाला.

“संपुर्ण अफगाणिस्तानने तो ट्विट पाहिला असेल. सचिन अफगाणिस्तानमध्ये खुप प्रसिद्ध आहे. त्यामुळे सगळेच आश्चर्यचकित झाले होते की माझी सचिनने स्तुती केली. अशा ट्विटमुळे माझ्यासारख्या तरुण खेळाडूंना खुप प्रेरणा मिळते.” असेेही तो पुढे म्हणाला.

काय केला होता सचिनने ट्विट-

“मला नेहमी वाटायचं की राशीद एक चांगला गोलंदाज आहे परंतु आता मला कोणतीही शंका नाही की तो टी२०मधील सर्वोत्तम गोलंदाज आहे. त्याच्याकडे फलंदाजीचे कौशल्य आहे. एक चांगला खेळाडू.” असे ट्विट करत सचिनने राशीदचे कौतुक केले होते.

Always felt @rashidkhan_19 was a good spinner but now I wouldn’t hesitate in saying he is the best spinner in the world in this format. Mind you, he’s got some batting skills as well. Great guy.

— Sachin Tendulkar (@sachin_rt) May 25, 2018