जागतिक कसोटी अजिंक्यपद स्पर्धेचा अंतिम सामन्यामध्ये भारतीय संघाला न्यूझीलंड संघाने आठ विकेटने पराभूत केले. या अंतिम सामन्यानंतर भारतीय संघाला इंग्लंडविरुद्ध पाच कसोटी सामन्यांची मालिका 4 ऑगस्टपासून खेळायची आहे. या कसोटी मालिकेत अगोदर भारतीय संघाला बायो-बबलमधून तीन आठवड्यांची सुट्टी दिलेली आहे. म्हणून भारतीय संघातील खेळाडू आपल्या परिवारासोबत सुट्टीचा आनंद घेताना दिसून येत आहेत. याचदरम्यान रोहित शर्मा आणि त्याची पत्नी रितिका एका वेगळ्याच कारणामुळे पुन्हा एकदा चर्चेत आले आहेत.
रितिकाने मागितली रोहितची माफी
भारतीय संघाचा सलामीवीर फलंदाज रोहित शर्मा सध्या पत्नी रितिका सजदेह आणि मुलगी समायरासोबत लंडनमध्ये फिरताना दिसून येत आहे. याचदरम्यान पत्नी रितीकाने पती रोहित शर्माचे सोशल मीडियावर माफी मागितली आहे.
खरंतर रितिका सजदेहने आपल्या इंस्टाग्राम स्टोरीवर एक फोटो शेअर केला होता. त्या स्टोरीच्या कॅप्शनमध्ये रोहित शर्माची माफी मागताना दिसून आली. रितीकाने आपल्या इंस्टाग्रामच्या स्टोरीवर जो फोटो शेअर केला होता, तो एका कुत्र्याचा फोटो होता. रितिकाने कॅप्शनमध्ये लिहिले की, ‘सॉरी रोहित, आता तू सेटवर सर्वात जास्त क्यूट नाही.’
रोहित शर्मा गेल्या काही दिवसांपासून सोशल मीडियावर नवीन नवीन पोस्ट शेअर करत आहे. या अगोदर देखील रोहित शर्माने मुलगी समायरा सोबतचा एक फोटो शेअर केला होता. ज्यामध्ये रोहित मुलीला झोक्यावर बसवत होता.
https://www.instagram.com/p/CQlvZbbBBk5/
रोहितच्या यशामागे रितिकाचा आहे मोठा वाटा
भारतीय संघाचा सलामीवीर फलंदाज रोहित शर्मा सध्या ज्या यशाच्या शिखरावर आहे, त्याच्या मागे पत्नी रितिका सजदेहचा मोठा वाटा आहे. रितीका प्रत्येक वेळेस रोहितला सपोर्ट करताना दिसून येते. आणि रोहितचा प्रत्येक सामना सुरू असताना स्टेडियमवर येऊन पाहत असते.
इतकेच नव्हे तर रोहित शर्माने आपल्या पत्नीला आपल्या लग्नाच्या दुसऱ्या वाढदिवसाच्या दिवशी द्विशतक झळकावत लग्नाच्या वाढदिवसाची खास भेटवस्तू दिली होती. तर आंतरराष्ट्रीय टी-20 क्रिकेटमध्ये 35 चेंडूमध्ये शतक आपल्या पत्नीच्या वाढदिवसाच्या एक दिवस अगोदर झळकावले होते.
रितिका सजदेह रोहित शर्माची मॅनेजर देखील होती. हळूहळू रोहित आणि रितिकामध्ये प्रेम निर्माण होऊ लागले. त्यानंतर रितिका आणि रोहितने 2015 मध्ये लग्न केले आणि त्यांना आता समायरा नावाची एक मुलगी देखील आहे.
महत्त्वाच्या बातम्या –
इंग्लंडविरुद्धच्या मालिकेपूर्वी भारताचा ‘हा’ खेळाडू जायबंदी, पहिल्या कसोटीलाही मुकण्याची शक्यता
“हा आहे धोनी आणि विराटच्या नेतृत्वात फरक”, माजी भारतीय खेळाडूने मांडली परखड भूमिका
मित्रांसह युरो कप २०२० चा सामना पाहायला गेला रिषभ पंत, पण ‘या’ कारणामुळे चाहत्यांनी केले ट्रोल
