सूर्यकुमार यादवच्या नेतृत्वाखालील भारतीय क्रिकेट संघाने जोरदार पुनरागमन करत दक्षिण आफ्रिकेतील सुपरस्पोर्ट पार्क क्रिकेट स्टेडियमवर झालेल्या तिसऱ्या टी20 सामन्यात दक्षिण आफ्रिकेचा 11 धावांनी पराभव केला. हा उच्च स्कोअरचा सामना होता. नाणेफेक हारल्यानंतर प्रथम फलंदाजी करताना भारतीय संघाने 20 षटकांत 6 गडी गमावून 219 धावा केल्या. प्रत्युत्तरात दक्षिण आफ्रिकेनेही फलंदाजीत चांगली ताकद दाखवली. मात्र त्यांना हा सामना जिंकता आला नाही. दक्षिण आफ्रिकेला 7 गड्यांच्या मोबदल्यात 208 धावाच करता आल्या.
या सामन्यात भारताचा खरा हिरो 22 वर्षीय स्फोटक फलंदाज तिलक वर्मा ठरला. त्याने पहिले आंतरराष्ट्रीय शतक झळकावून अनेक विक्रम रचले. वर्माने 51 चेंडूत आपले शतक पूर्ण केले. तिलक शेवटपर्यंत नाबाद राहिला. त्याने 56 चेंडूत 8 चौकार आणि 7 षटकारांच्या मदतीने नाबाद 107 धावा केल्या. ज्यात त्याचा स्ट्राईक रेट 191 होता. वर्माला त्याच्या खेळीबद्दल सामनावीर पुरस्कारानेही गौरविण्यात आले. पुरस्कार जिंकल्यानंतर या युवा खेळाडूने मोठे वक्तव्य केले आहे. तो काय म्हणाला ते पाहा.
सामनावीराचा पुरस्कार पटकावल्यानंतर तिलक वर्मा म्हणाले, ‘मी ठीक आहे. ही एक कठीण संधी होती पण आम्ही सामना जिंकला याचा मला आनंद आहे. मी ते शब्दात स्पष्ट करू शकत नाही. देशासाठी खेळणे हे माझे स्वप्न होते आणि संघाला योग्य वेळी शतकाची गरज होती. याचे सर्व श्रेय आमचे कर्णधार सूर्यकुमार यादव यांना जाते.
पुढे बोलताना तो म्हणाला, “त्याने (सूर्यकुमार यादव) मला तिसऱ्या क्रमांकावर फलंदाजीची संधी दिली आणि मला व्यक्त होण्यास सांगितले. त्यांचे पुन्हा आभार. मी फक्त माझ्या मूलभूत गोष्टींचा बॅकअप घेतला. सुरुवातीला खेळपट्टी दुतर्फा होती आणि अभिषेक बाद झाल्यानंतर नव्या फलंदाजांसाठी ते सोपे नव्हते. मी लांब डाव खेळण्यासाठी तयार होतो आणि भागीदारीची वाट पाहत होतो”.
हेही वाचा-
IND VS SA; वरुण चक्रवर्तीने मोडला आर आश्विनचा मोठा रेकाॅर्ड, अशी कामगिरी करणारा पहिलाच
अक्षर पटेल बनला ‘सुपरमॅन’, हवेत उडी मारून घेतला अप्रतिम झेल; पाहा VIDEO
रमणदीप सिंगचे आंतरराष्ट्रीय क्रिकेटमध्ये झंझावाती पदार्पण, डेब्यूमध्ये अशी कामगिरी करणारा दुसरा भारतीय
