आशिया चषकापूर्वी धोनीच्या आठवणीत कोहली भावूक; म्हणाला, ‘७+१८, आमची भागीदारी…’

भारतीय क्रिकेट संघ सध्या आशिया चषक २०२२ साठी संयुक्त अरब अमिरातीला गेला आहे. २८ ऑगस्टपासून भारतीय संघाला त्यांच्या आशिया चषक मोहिमेची सुरुवात करायची आहे. या स्पर्धेची सुरुवात होण्यापूर्वी भारताचा स्टार फलंदाज विराट कोहली माजी कर्णधार एमएस धोनी याच्या आठवणीत भावूक झाला आहे.

विराटने (Virat Kohli) गुरुवारी (२५ ऑगस्ट) मध्यरात्री आपल्या इंस्टाग्राम अकाउंटवर धोनीसोबतचा (MS Dhoni) जुना फोटो शेअर केला (Virat Kohli आहे. या फोटोत विराट आणि धोनी भारतीय संघाच्या निळ्या जर्सीत दिसत आहेत. या फोटोच्या कॅप्शनमध्ये त्याने लिहिले आहे की, ‘या माणसाचा (धोनी) विश्वसनीय प्रतिनिधी बनणे माझ्या कारकिर्दीतील सर्वात सुखद आणि रोमांचक काळ होता. आमच्यातील भागीदारी नेहमीच खास राहिले आहे. ७ + १८.’ असे लिहित विराटने पुढे हृदयाचा इमोजी जोडला आहे.

विराटच्या या पोस्टला मोठ्या प्रमाणात लाईक केले जात आहे. ११ तासात या पोस्टला ३२ लाखांपेक्षा जास्त लाईक मिळाल्या आहेत.

https://www.instagram.com/p/ChsQb3wvmIk/?utm_source=ig_web_copy_link

विराटने २००८ साली धोनीच्या नेतृत्त्वाखाली आंतरराष्ट्रीय क्रिकेटमध्ये पदार्पण केले होते. भारतीय संघाने त्याच्या कर्णधारपदाच्या कार्यकाळात प्रशंसनीय प्रदर्शन केले होते. विराटच्या दैदिप्यमान कारकिर्दीत धोनीची महत्त्वपूर्ण भूमिका राहिली आहे. धोनीने भारतीय संघाचे नेतृत्त्वपद सोडल्यानंतर ही जबाबदारी आपला डेप्यूटी विराटवर सोपवली होती. पहिल्यांदा विराटला २०१४ मध्ये कसोटी संघाच्या कर्णधारपदी नियुक्त केले होते. त्यानंतर त्याला वनडे आणि टी२० संघाचा कर्णधारही बनवले गेले होते.